“So anong cake bibilhin natin?” Tanong ni Yves habang nagtitingin sila sa shop. “Ito. Or ito. Or ito!”

“Yves, tanga wag ka diyan mag turo, mahal mga cake diyan.” Hinila ni Yeri si Yves. “Dito lang kaya ng budget natin wag kang ilusyonada.”

“Pumirmi ka nga, Lisa!” Tawag ni Seulgi dahil ikot nang ikot si Lisa. “Halika muna dito, tignan mo yung mga selection. Baka umuwi na yun si Wendy anytime soon.”

“Kalma ka lang, kakatext ko lang sa kanya.” Confident na sabi ni Rosé. “Di pa daw tapos meeting nila. Nag pabili ako ng yelo.”

“Bakit mo pinabili ng yelo, edi malalaman niya na may inom tayo?” Napakamot si Seulgi. “Tanginang mga ‘to, hirap magplano kapag panay bobo!”

“Ayaw mo nun, Seulgi, konti na lang need natin na daanan.” Comment ni Yves. “Dadaan pa tayo sa Polygon para bumili ng alak. Pupunta pa tayo sa Savemore para bumili ng pang spag. Magpi-prito pa tayo ng manok—“

“Oo na, oo na.” Sabi ni Seulgi. “Siguraduhin niyo lang na di tayo maabutan ni Wendy na nagp-prepare.”

“Sino pala magluluto ng chicken wings, ha?” Tanong ni Lisa.

“Ako, tol.” Proud na sabi ni Yeri. “May nakita na akong recipe. Prinint ko pa. San ka pa, di ba?”

Isang oras pa sila ulit namili dahil lagi silang nagtatalo sa mga bibilhin.

“Cayenne pepper, bobo!” Sabi ni Yeri.

“Pepper naman ‘to ah?” Takang tanong ni Yves.

“Pamintang durog lang yan, napakatanga mo!”

“Lisa, kuha na ng spaghetti sauce.” Utos ni Rosé. “Yung Del Monte ha. Yun ang gusto ni Wendy.”

“Yes boss.” Nagmadaling naglakad si Lisa.

“Hoy, pipila na ako, basta ihabol niyo na lang yung mga kulang pa.” Panicked na sabi ni Seulgi nung tumingin siya sa relo niya.

Pagdating nila sa apartment, madaling madali sila sa pagprepare.

“Putang ina!” Umiling si Rosé. “Lisa, tomato sauce ‘to, tanga! Hindi spaghetti sauce!”

“Oh ano naman?” Sabi ni Lisa habang naghihiwa ng gulay.

“Pang menudo ‘to, bobo mo! Paano ko gagamitin ‘to pang spaghetti?”

“Yves, akin na ang butter.” Sabi ni Seulgi habang sinisilip niya kung mainit na yung kawali.

“Ito na, boss. Wala pala akong butter na nakita kaya margarine yan ha.”

Tinitigan lang ni Seulgi yung inabot ni Yves. “Yves.. halika dito.”

“Yes, Seul?” Tanong ni Yves.

“Basahin mo nga ‘to.” Tumuro si Seulgi sa Star Margarine na hawak niya.

“Star Margarine..” Biglang napangiwi si Yves. “Sweet blend.” Tumawa siya.

“Bakit naman sweet blend kinuha mo?”

“Ang cute kasi, kulay pink!”

Huminga muna ng malalim si Seulgi. “Ilagay mo na nga muna yung cake sa ref, ang cute mo eh. Masusuntok na kita eh.”

“Sige.” Nagpacute lalo si Yves. “Heh. Na saan ba?”

“Tanong mo kay Yeri.”

“Yerms, na saan yung cake?” Tawag ni Yves.

“Malay ko, tanga ka ba di naman ako yung kumuha. Si Rosa kaya.” Di na lumingon si Yeri dahil busy siya sa pagtingin ng instructions ng chicken wings sa papel na hawak niya. “Tama ba ‘to?”

“Sey, nasaan yung cake?” Kinalabit kalabit ni Yves si Rosé.

“Wag ka magulo, tanga nagiisip pa ako kung pano reremedyuhan ‘to.” Sagot ni Rosé habang nakatitig sa tomato sauce. “Kabobohan kasi ni Lisa punyeta.”

Bigla naman napatigil si Seulgi. “Guys.. meron bang nag pick up ng cake?”

Nagkatinginan lang sila. Pagkatapos ng 10 seconds, saka lang nila nagets.

“PUTANGINA!” “Bobo niyo talaga!”

Nakatanga lang si Yves. “Bakit, ano meron?” Pero pagkatapos ng 10 seconds pa, biglang nanlaki yung mata niya. “Putangina! Yung cake!”

“Ako na kukuha!” Madaling kinuha ni Lisa yung susi ng motor niya at tumakbo palabas. Pagkatapos ng limang minuto, bumalik siya at hinila niya si Yves. “Tropa, kailangan ko pala ng maghahawak!”

“Putangina.” Panic na si Seulgi dahil palpak lahat ng pinrepare nila. “Kaya si Wendy ang tagaluto eh, pakabobo niyo kasi.”

Pagbalik ni Yves at Lisa, lamog lamog na yung cake.

“Anong nangyari?” Takang  tanong ni Rosé.

“Bobong Lisa kasi, di nakita yung lubak.” Umiling si Yves. “Saglit, kaya ko ‘tong gawan ng paraan.”

Binuksan ni Yves yung cake at pilit na tinakpan ng icing yung mga nalamog na part.

“Yerms, mukhang ikaw na lang ang pag asa natin.” Sumilip si Seulgi sa niluluto ni Yeri na wings. “Please naman,