"Putang ina naman." Bulong ni Seulgi habang tumatakbo siya para habulin yung nag f-fastbreak.

Sampu na ang lamang ng kalaban at hirap na hirap sila ni Lisa buhatin yung mga kakampi nila.Hindi rin nakakatulong na sablay lahat ng free throws ni Seulgi. Parang may takip ata yung ring.

Nag halftime na at lumapit yung dalawa sa mga kaibigan nila.

"Tangina naman, nagkakalat kayo sa harap ni Irene at Jennie eh." Pagalit ni Wendy.

"Sorry, tangina dinadaga ako." Sabi ni Lisa kay Seulgi.

"Ako man, tangina pangit lahat ng pasa ko." Napahawak na lang si Seulgi sa batok niya.

"Hoy, may naisip ako." Sabi bigla ni Rosé. "Try niyo 'to, pang in bound play."

Nagdrawing si Rosé sa phone niya habang may tinuturo si Lisa at tumatango si Seulgi. Nakatingin lang si Irene at nag explain si Wendy.

"Nag lalaro rin yan si Sey, halimaw yang mga yan lalo na pag magkakasama silang apat ni Yves." Sabi niya. "Manood kayo ng Vet Sportsfest, champion org nila lagi."

"May org sila?" Tanong ni Irene. "Bakit parang di naman sila active?"

"Hindi nga." Tumawa si Wendy. 

"Gets na?" Kinaltukan ni Rosé ang dalawa niyang kaibigan. "Wag nga kayong masyadong kabado! Kitang kita na alangan pasa mo, Seul. Lisa, bilisan mo pa yung pag roll sa basket."

"Okay po." Parehas nilang sabi.

Mukhang nakatulong naman yung sinabi ni Rosé dahil nahabol na rin nila yung lamang.

Pagdating ng 4th quarter, lamang na naman yung kalaban.

Last 2 minutes at nagamit na nila yung last time out nila. 

"Grabe, nanood kami ng game niyo, just to see you guys lose." Pang aasar ni Jennie.

"Wala naman kasi nagsabing pum—"

Tinakpan ni Seulgi yung bibig ni Lisa.

"Classmate, don't worry, pinapakaba lang namin slight, para maganda ang laban." Ngumiti si Seulgi. "Pustahan, panalo 'to."

"Weh?" Dumagdag si Irene ng asar.

"Yes, ma'am." Tumango si Seulgi. "Sure win' to. Pag hindi, libre ko kayong lahat samgyup."

"Ay sige patalo niyo na lang may next time pa naman." Tumawa si Wendy. 

"Sige ah." Ngumiti si Irene. "Samgyup ah. Pag talo."

"Eh pag nanalo kami?"

Nag isip si Irene. "Ano ba gusto mo?"

Ikaw. 

"Hmm." Bumuntong hininga si Seulgi.

Joke lang. 

"Samgyup na lang din."

"Deal." Nagkamayan sila.

Mainit yung kamay ni Irene at tinitignan pa na Seulgi yung palad niya nung bumalik sila sa court.

"Pre," Tinawag ni Seulgi si Lisa. "Ganito gawin natin.."

Pagkatapos nila mag usap, nagtinginan sila ng seryoso.

"Maganda na 'to." Umayos ng upo si Rosé. "Jen, manood na kayo."

"Why? What happened?" Tanong ni Jennie.

"Basta." Nakangiti lang si Rosé.