Bagong sem na naman. Ang last academic year ni Irene. Mabagal siyang naglalakad papunta sa department kasama ang iba niyang orgmates.

"San ka na ngayon, Irene?" Tanong ni Jihyo.

"Sa West pa rin, pero kabilang compound." Sagot ni Irene. 

"Oh, buti nakahanap ka ng solo? Mabilis mapuno dun ah."

"Hindi ba weird?" Tanong ni Rosé.

Tumuro naman si Lisa kay Seulgi gamit ang tinidor niya na may nakatusok pang hotdog. "Sabi sayo, Seul eh."

Nag kibit balikat na lang si Seulgi. "Close sila, apparently. Kebs na kung kapitbahay niya si Tzuyu. Okay naman na kami. Ayoko na rin na mag salita pa tungkol sa paghahanap ng apt, baka mag away na naman kami ni Irene."

"Oh, tapos andun pa si Moontangs." Singit ni Yves na kakaupo lang. "Lipat na rin kaya tayo dun para lahat ng tao sa buhay mo na sa iisang compound na lang?"

"Yuck." Dumila si Lisa. "Di mo ako mapapatira sa West."

"True, mamatay na lang ako kaysa tumira dun." Dagdag ni Seulgi na parang diring diri. 

Medyo malungkot ang unang linggo ng sem para sa mga natira. Kahit hindi nila aminin, at kahit na silang apat naman usually ang source ng kaingayan sa barkada, ramdam pa rin nila Seulgi ang pangungulila kila Wendy at Yeri. 

Mas lalong ramdam ni Irene ang pangungulila kaya halos araw araw na katawagan niya si Jennie. 

"Naninibago ako, Jen." Nakasimangot si Irene habang nagaayos ng gamit niya. "Ang weird kasi sanay akong almost every day ka nakikita."

"I feel the same, babe." Bumuntong hininga si Jennie. "Kamusta ba diyan? How are you holding up?"

"Keri naman, more on orgwork ako." Sagot ni Irene. "Three times a week din ako sa East natutulog, naglilinis ng kalat nung mga bata. Kamusta kayo ni Lisa? Behave lang naman siya dito."

"Yeah, I know naman. Medyo stressful lang dahil you know.. long distance."

"Bisita ka minsan."

"Yup, try ko next week." Biglang natigilan si Jennie. "Hold on, Rene, si Lalisa na ata yung na sa kabilang line. Call you tomorrow?"

Ngumiti si Irene. "Sure, good night!"

"Good night, babe!"

Mabilis na naglalakad si Seulgi papasok sa College Sec ng CE para i-meet si Irene. Bigla kasi itong nag text para magpasundo dahil yung petition class na kailangan ni Irene i-take this sem para on time siya makagraduate ay nagopen na at kailangan na ni Irene makapag enroll at makapag bayad sa cashier ngayong umaga.

Pagpasok na pagpasok ni Seulgi sa College Sec, parang gusto niya na rin agad lumabas sa dami ng tao. Mukhang agawan talaga sa slot at medyo nag alala siya kung nakuha ba ni Irene yung subject na kailangan niya.

Nakipagsiksikan si Seulgi habang tinatanaw ang girlfriend niya nang bigla siyang makarinig ng pamilyar na boses.

"Matuto kang gumalang sa nakakaganda sayo." 

Ang lakas ng tawa ni Seulgi at napatingin ang mangilanngilan sa kanya. Di na niya yun pinansin at dumiretso kay Irene na taas kilay pang tinititigan yung katabi niya habang nagsusulat sa petition form.

"Hoy!" Hinila ni Seulgi si Irene pagkatapos niyang magsulat. "Pakawarfreak mo talaga kapag enlistment! Sino na naman yang inagawan mo ng slot?"

"Ate Chona kasi, sisingit pa sa akin, hawak na daw niya kasi yung ballpen." Pinagpag ni Irene ang buhok niya. "Malamanlaman ko, di naman pala graduating! Talagang gusto lang niya kunin yung subject."

"So ano, kasado na yan?" Nagmamadali na silang naglakad papunta sa kotse para makapagbayad na si Irene. Last day na rin kasi ng enrollment at sadyang hinintay niya lang ang petition class para sure grad siya sa dulo ng taon.

"Kasadong kasado na." Kinuha ni Irene yung susi sa kamay ni Seulgi. "Ako mag drive, kailangan umabot tayo before lunch break."

Lumipas ang mga buwan nang hindi na nila masyadong namamalayan. Busy rin kasi silang lahat dahil mabibigat na ang mga subjects at di na kayang i-cram ang mga requirements. 

Si Irene ay nag simula na sa outline ng thesis niya kaya madalas na sila ni Seulgi na tambay sa