8:35 am. Walang palya ang late ni Lisa at Seulgi sa Hum class nila. Naupo sila sa likod at sinilip agad ni Seulgi si Irene.

"Ay, tol nakadress si Irene ngayon. Grabe, ang ganda niya naman." Comment ni Seulgi. "Si Miss Jennie din oh. Tignan mo."

"Wala akong pake." Sagot ni Lisa.

Nag announce bigla yung prof nila na mag tabi tabi daw according sa group dahil may acitivity. Napabuntong hininga si Lisa. 

"Good morning, classmate." Bati ni Jennie. 

"Good morning." Ngumiti si Seulgi. "Hi, Irene."

"Hello."

Si Lisa ay nagseselpon lang sa tabi ni Seulgi.

"Form a circle with your groups, pakibuhat na lang yung upuan." Announce ng prof.

Dahil ayaw ni Lisa makatabi o makaharap man lang si Jennie, naging katapat ng upuan niya si Irene. Para sa activity nila sa Hum, binigyan sila ng papel at ballpen ng prof. Kailangan nilang i-drawing ang sarili nila gamit ang salamin or self-cam. Kailangan din nila i-drawing ang isa nilang groupmate.

"Pre ayusin mo drawing mo sa akin ha." Pagbabanta ni Seulgi.

"You have to draw the person in front of you." Dagdag ng prof.

Nanghinayang si Seulgi dahil kung si Irene sana yung katapat niya, isa't kalahating oras sila sanang pwedeng magtitigan.

Napagdesisyunan nilang apat na unahin na muna ang self-portrait. Mabilis na natapos magsketch si Seulgi dahil mahilig naman talaga siyang mag drawing. Sinilip niya yung gawa ni Lisa at natawa siya nang malakas.

"Tangina, Lisa napakacute niyan ah." Pangaasar ni Seulgi.

"Manahimik ka, di ako magaling magdrawing."

Dahil mukhang di pa matatapos anytime soon yung iba, nag doodle na lang muna si Seulgi sa papel niya. Napabaling yung tingin niya kay Irene at di na niya naalis yung tingin niya sa itsura ni Irene na concentrated na nagd-drawing. Si Jennie naman ay nag selfie muna bago nagsimula.

Di na rin namalayan ni Seulgi na din-drawing na pala niya si Irene. 

Natapos na sila sa self-portrait at naglapit na sila ng upuan para sa pangalawang acitvity. Tinignan muna ni Seulgi si Jennie nang matagal habang kinakabisado yung distinct features ng mukha ng kaharap niya at nagdedecide kung saan niya sisimulan yung drawing.

"Classmate, grabe ka naman makatitig." Comment ni Jennie at biglang napatingin sa kanila si Lisa ng masama.

"Sorry," Nahihiyang sagot ni Seulgi. "Gusto ko kasi gandahan yung sketch para di nakakahiya sayo, Jennie."

"Okay lang, I'm not complaining naman." Ngumiti siya habang nagsisimula na rin mag drawing.

Tawanan nang tawanan si Lisa at Irene. Medyo naiinggit si Seulgi at napapatingin siya sa kanila tuwing may ipapakita si Lisa sa drawing niya at matatawa si Irene.

"Rene, may bago ka na atang best friend." Naka pout na sabi ni Jennie.

"Yup, sorry ka na lang, Miss Jennifer." Tumuro si Lisa sa papel niya. "Tama ba yung size ng tenga mo, bespren?" 

Tumawa si Irene. "Hoy, grabe ang laki naman niyan! Bawasan mo, sige ka, di kita lalagyan ng bangs."

Pagkatapos nila, instruction ng prof na ipagtabi ang dalawa nilang ginawang drawing. Tawa nang tawa si Irene dahil sobrang gulo ng drawing ni Lisa.

"Grabe, Seulgi!" Biglang sabi ni Jennie. "Ang galing mo naman pala?"

"Ako lang 'to, classmate." Nakangiting sagot ni Seulgi. Kinuha ni Jennie yung drawin