“Seulgi, okay lang ba ‘tong damit ko?” Tanong ni Irene.

“Irene, 7 am pa lang.” Papikit pikit pa si Seulgi. “Before lunch pa tayo aalis.”

“Nagre-ready lang ako.”

Tumingin si Seulgi sa mga kalat kalat na damit sa paligid niya. “Teh, isang weekend lang tayo dun ha.”

“Naghahanap lang ako ng magandang damit.” Hinubad ni Irene yung dress na suot niya at nagpatong ng panibagong damit. “Ito kaya? Presentable enough?”

“Kahit naka-pambahay ka lang, okay lang.” Hinila ni Seulgi si Irene pabalik sa kama. “Cuddle na muna tayo, ang hyper mo na agad ang aga aga pa eh.”

“Ano palang dadalhin ko?” Tanong ni Irene habang nakapikit na ulit si Seulgi.

“Dala ka ng kawali.”

“Seulgi.”

“Wala kang kailangan dalhin, ang maganda mo lang na mukha at busilak mong puso.” Hinigpitan ni Seulgi ang yakap niya kay Irene. “Nap na muna ulit.”

“Dala akong cake? Or pizza?” Tinapik ni Irene yung pisngi ni Seulgi. “Ano gusto ng family mo?”

“Dala ka na lang something na di mabibili dun.”

“Which is what?”

Di na siya sinagot ni Seulgi dahil nakatulog na itong muli.

11:43 am. Kabadong kabado si Irene at hindi mapakali sa byahe pauwi kina Seulgi.

“Relax ka lang.” Tumawa si Seulgi.

“Dapat ba hindi buko pie binili natin?” Ulit na tanong ni Irene.

“Hindi, G lang yan. Gusto ng ermat ko yan.” Humawak si Seulgi sa kamay ni Irene nung na sa stoplight sila. “Wag masyado mag overthink, okay? I love you po.”

“I love you.” Tumingin si Irene sa suot niya. “Sure ka, okay lang ‘tong suot ko?”

“Tignan mo nga suot ko.” Tumawa si Seulgi habang tumuturo sa shorts-shirt-slides combo niya.

“Eh kasi syempre gusto ko maging maganda first impression ng mama mo sa akin.” Bumuntong hininga si Irene. “Ako ba yung first girlfriend na iuuwi mo sa inyo?”

“Hindi.”

“Ah. So—”

“Uy, malapit na tayo ah.” Lumiko na papasok sa subdivision si Seulgi at biglang kinabahan na naman si Irene.

“Ganda ng bahay niyo!” Comment ni Irene nung nakita niya kung saan tumigil si Seulgi.

“Mas maganda ka.” Bumaba na si Seulgi.

“Momma, I’m home!” Masayang bati ni Seulgi at biglang napatago si Irene sa likod niya dahil sinalubong si Seulgi ng mga pusa.

“Lulu! Lala!” Masayang bati ni Seulgi sa mga pusa. “Tumaba kayo ah.”

Hinila na ni Seulgi si Irene papasok ng bahay.

“Ma!” Lumapit si Seulgi sa nanay niya at niyakap ito ng mahigpit. Napangiti naman si Irene dahil sobrang affectionate pala ni Seulgi sa nanay niya.

“Ma, si Irene pala.” Lumapit si Irene at nag mano.

“Good morning po, tita.”

“Hello, hello.” Hinawakan ng nanay ni Seulgi ang balikat ni Irene. “Ang gandang dalaga naman nito.”

Nahihiyang ngumiti si Irene.

“Divine?” Nakangiting sabi ni Seulgi at umakbay siya kay Irene.

“Tapos ikaw, ang dugyot mo tignan, anak.” Umiling yung nanay ni Seulgi at natawa si