Busy si Irene sa pag takal ng fruit salad nang biglang tumunog yung phone niya.

From: Seulgiyah

binati ako ng merry christmas ni mama mo lol so ang weird naman kung di kita babatiin. so ayun, merry christmas irene. haha

To: Seulgiyah

Merry Christmas, Seulgi!

From: Seulgiyah

di pa ba alam ng mama mo na break na tayo

To: Seulgiyah

Alam na. Pero as usual, tiwala pa rin na magkakabalikan tayo.

From: Seulgiyah

sana orl may tiwala

From: Seulgiyah

charot haha ang awkward tuloy. sige na baka busy ka

To: Seulgiyah

Okay. Haha. Wag ka papatumba sa mga pinsan mo.

Binaba na ni Irene yung phone. Di naman siya busy. Pero mabuti na rin.

To: Seulgiyah

Seulgi, parang sinendan ako ng spam message ng mama mo. Sabihin mo wag mag open ng mga ganun sa messenger.

From: Seulgiyah

oo nga takte parang na virusan yung phone niya kung ano ano kasing kiniclick

From: Seulgiyah

pinagalitan ko nga, sabi eh babati lang daw sya ng happy new year saka mag sesend ng prayers, pag daw di nakasend sa kinse eh bad luck

To: Seulgiyah

Haha. Sabihin mo chain messages lang yan.

From: Seulgiyah

ayaw maniwala piningot pa nga ako

To: Seulgiyah

Yaan mo na. Haha. Happy new year pala, Seulgi!

From: Seulgiyah

happy new year irene! sana masarap ulam niyo

Nag abang pa muna ng 5 minutes si Seulgi para tignan kung magrereply pa sa kanya si Irene pero wala na siyang natanggap na text. Binigay na lang niya sa pinsan niya yung phone para maglipat ng kanta. Mabuti na rin.

“Aga mo naman babalik.” Sabi ni Seulgi habang magkavideo chat sila ni Lisa.

“Tangina, pano may ireremove pa ako!” Umiling si Lisa. “Buti ka pa, erp. Pass all na, may uno pa.”

“Trot!” Tumawa si Seulgi. “Tangina, wag kayo lalapit sa akin, mga bobo! Ako lang ang anak ng diyos.”

“Balik ka na rin maaga.” Pagpapacute ni Lisa. “Para may kasama ako sa apt.”

“Wag ka nga magpacute!” Sumama yung mukha ni Seulgi. “Pangit mo. Ayoko bumalik maaga. Bahala ka diyan.”

“Ulol, edi don’t.”

Tawang tawa si Sana habang pinapanood si Irene na malaki ang ngiti at parang kinakausap yung mga halaman sa tapat ng apartment nila.

“Tangina, girl!” Bati ni Sana. “Nabuang ka na ba?”

“Hoy!” Sabi ni Irene. “Hindi mo sinabi na ngayon ka na babalik!”

“May sem planning sa org.” Tumatawa pa rin si Sana. “Ano nangyari sayo? Naging plantita ka na?”

“Oo, nakakakalma eh!” Nakangiti si Irene.

“O tapos bakit mo kinakausap?” Tanong ni Sana.

“Para mabuhayan sila ng loob.” Explain ni Irene.

“Sige na lang, Irene. Kung san ka masaya.” Pumasok na si Sana.

“O bakit nandito ka na agad, bwiset ka?” Iritadong bati ni Lisa kay Seulgi pagdating nito. 

“Ayaw mo pa?” Yumakap si Seulgi kay Lisa. “Missed you pre! Happy new sem!”

“Ulol.” Pero nagyakapan pa rin sila. 

Bigla naman silang niyakap din ni Yves. “Miss you, mga orbskies!”

Sabay nilang tinulak si Yves palayo.

“Dinner?” Aya ni Lisa kay Irene nung magkausap sila sa phone.

“Sige lang.” Sagot ni Irene. “Magdadala ako diyan ng ulam, bili ka na lang ng kanin.”

“Ah, marami ba yan?” Napakamot ng ulo si Lisa. “Dito rin kasi si ano eh, si Yves at Seulgi.”

“Pwede naman akong magdagdag. Diyan ko na lang lulutuin.”

“Oki. See you later!”

“Baechu!” Sigaw ni Yves at niyakap niya ng mahigpit si Irene. “I missed you! Di pa rin ako nananalo sayo!”

“14-0 na ata?” Tumawa si Irene.

“Ano nilalaro niyo?” Sabi ni Lisa na yumakap din kay Irene.

“8-ball pool sa messenger.” Sagot ni Irene. “Bano naman yan si Yves, laging talo.”

“Irene!” Sabi ni Seulgi pagbaba niya. “Hi.”

“Hi, Seulgi.” Nahihiyang nag wave si Irene. “Red na buhok mo.”

“Maiba lang.” Nagkibit balikat si Seulgi. “Ayos ba?”

“Meh.”

Tumawa si Seulgi. “Grabe ka. Tirhan niyo na lang ako dinner, kokopya lang ako movies kay Jiu.”

“Ingat, erp.”