“Yves, tang ina mo!” Binatukan ni Seulgi si Yves. “Kala ko ako ka-date mo! Iiwan mo ako? Bakit? Why?”

“Isaw date lang kami ni Chuu, tropa.” Ngumiti si Yves. “Babalikan kita, don’t worry!”

“Pre naman.” Ngumuso si Seulgi. “Sino kasama ko sa Karnabal? Sey, ikaw? Date tayo?”

“Date kami ni Jisoo eh.” Sagot ni Rosé. “Pagkatapos na lang.”

“Yerms.. baby…”

“Busy ako, tropa.”

“Tang ina niyo. Edi don’t.” Ngumuso si Seulgi. “Makapagbantay na lang ng booth buong gabi.”

“Irene, san ka?” Tanong ni Joy habang naglalakad sila papunta sa field.

“Tambay na lang siguro sa booth namin.” Tumawa si Irene. “Walang ka-date eh.”

“Sama ka samin?” Aya ni Wendy.

“Wag na, ayoko mag third wheel.” Sagot ni Irene. “G lang naman ako sa booth. Iikot na lang ako, pag nagkakitaan tayo, saka ako sasama.”

“Sige.”

“Seulgi. Lalo ka naging hot, how is that possible?”

Napabuntong hininga si Seulgi. “Hi, Krystal.”

“Happy Valentine’s Day. Asan si girlfriend?”

“Break na kami.”

“Interesting.” Tumaas ang kilay ni Krystal habang sinisimulan ni Seulgi na mag trace sa balikat niya.

"So wala kang kadate ngayon?" Tanong ni Krystal habang busy si Seulgi sa pag lapat ng henna sa balat niya.

"Wala."

"Gusto mo mag date tayo?"

Ngumiti si Seulgi. "Asa namang wala kang kadate."

"You're right, meron nga." Tumawa si Krystal. "Nag tanong lang. Baka lang naman gusto mo."

"Di na, mag tatrabaho lang ako buong gabi." Sagot ni Seulgi.

Nag kwentuhan muna sila at kinakabig ni Seulgi ang usapan sa tuwing babanatan siya ni Krystal.

"So, modus mo ba yan?" Tanong ni Krystal. "Ang pagiging tease?"

"Hindi ah."

"Kasi it's working."

"Wag ka malikot, patapos na ako." Nakatutok si Seulgi sa ginagawa niya. "Asan na pala date mo?"

"On the way. Pwede ko i-ditch, if you want?"

"Enjoy ka na lang sa date mo."

"Seulgi, quota ka na pala after mo diyan." Sabi ni Jinsoul.

"Thank you, Seulgi." Sabay na naglakad palabas ng booth si Seulgi at Krystal. "Next year, crush pa rin kaya kita?"

"Grabe naman kung oo." Tumawa si Seulgi.

"Seulgi.." Biglang hinawakan ni Krystal yung parehas na balikat ni Seulgi. "Happy Valentine's Day. Thank me later."

"For what?" Pero bigla siyang inikot ni Krsytal. Nanlaki naman ang mata niya nung makita niya yung na sa harap niya.

"Irene?"

"Hi, Seulgi."

Nakangiti si Krystal bago siya naglakad paalis.

"Ikaw lang mag isa?" Tanong ni Seulgi.

"Actually, pupunta sana ako sa booth niyo.." Nahihiyang sabi ni Irene.

"Ay, sayang, kakatapos ko lang." Tumuro si Seulgi. "Magaling din naman si Sehun, saglit isisingit kita sa pila."

"Wag na, wag na." Kumaway si Irene. "Next time na lang siguro. San ka?"

"Kakain. Kumain ka na ba? Tara!"

Nakapila sila currently sa bilihan ng shake pero dahil sobrang dami ng tao sa Karnabal, ang haba ng pila at puro mga couples ang kasama nila.

"Irene, tara na, sobrang haba ng pila, gusto ko na ng shawarma rice!" 

"Eh," Umiling si Irene. "Tyagain na natin 'to. Gusto ko talaga ng mango shake." 

"Nagugutom na ako." Ngumuso si Seulgi. 

"Sige na nga, iwan mo na ako dito sa pila, bumili ka na ng shawarma mo." Naparoll na lang ng mata si Irene. 

"Yes!" Ngumiti si Seulgi. "Saglit lang ako, promise wala pang 5 minutes!" 

Pabalik na si Seulgi at may bitbit na extrang shawarma para kay Irene. Natanaw niya na maya't mayang may lumalapit kay Irene para kausapin ito at paulit ulit lang si Irene na ngumingiti at umiiling.

"Mga kaklase mo?" Tanong ni Seulgi. 

"Hindi, hindi." Sabi ni Irene habang kinukuha yung extra na shawarma sa kamay ni Seulgi. 

"Ah, mga nag aaya sayo makipagdate 'no?" Ngumiti si Seulgi.