“So it’s a date?” Tanong ni Jennie habang nagla-lunch sila kasama si Jisoo at Joy.

“Hindi nga.” Sagot ni Irene. “Bibili lang kami ng hoodie saka kakain. Eh shared naman kasi namin yung cash prize.”

“Bakit tunog date?” Pangaasar ni Joy.

“Kasi malisyosa kayo.”

“Pero excited ka na?” Udyok ni Jisoo.

“Hindi ah.” Pagdedeny ni Irene. “Sama na lang kaya kayo?”

“Hindi na, ayoko naman makaabala.” Tumawa si Joy. “So anong susuotin mo?”

“Di ko nga alam eh.” Ngumiti si Irene. “Iniisip ko, yung long sleeves ko na whi—”

Napatigil siya dahil nagtawanan yung mga kaibigan niya.

“Hindi daw excited!” Ang lakas pa rin ng tawa ni Jennie. “Hay nako, magbalikan na kasi kayo!”

“Hindi yun ganun kadali.” Sabi ni Irene. “Di pa ako sure kung sapat na yung distansya ko.”

“Sa things.” Sagot ni Jisoo. Nagtinginan naman silang lahat sa kanya. “What? Nahahawa na ako sa pananalita nila Rosé, sorry na.”

“Ang pabebe ng blouse ha.” Comment ni Wendy habang inaayos ni Seulgi yung suot niya. “Akala ko ba hindi yan date?”

“Hindi nga.” Sabi ni Seulgi. “Trip ko lang magmaganda, bakit ba?”

“Bakit defensive?” Tumawa si Wendy. “Enjoy your date.”

“Hindi nga ‘to date.”

“Hoy, saan tayo pupunta?” Takang tanong ni Irene dahil binaybay ni Seulgi papasok ng campus at papunta sa Research Institute kung saan malawak ang daan at walang gaanong tao.

“Shortcut lang.” Huminto si Seulgi at tinanggal ang seatbelt niya. “Ikaw mag drive.”

“H—ha?”

“Ikaw mag drive.” Ulit ni Seulgi. “Ang tagal tagal mo nang niyayabang yung driver’s license mo. Pakita mo ngayon angas mo.”

“Eh..” Humina ang boses ni Irene.

“Game na.” Lumabas si Seulgi at pinuntahan si Irene sa side niya ng pinto. “Usog na dun.”

“Ayoko nga!”

“Kala mo may choice ka?”

5 minutes later, nakatitig lang si Irene sa manibela at si Seulgi naman ay nakatitig sa kanya. “Irene, anuna? Kaya pa ba natin today?”

“Saglit lang, bigla akong kinabahan!” Inis na sabi ni Irene. “Bakasyon pa huli kong drive eh!”

“Susumbong kita sa LTO, di ka pala marunong—” Biglang napakapit si Seulgi sa handle nang humarurot si Irene. “Hoy, Irene kalmahan mo lang!”

Nang makarating sila sa mall, nanginginig pa rin ang tuhod ni Seulgi.

“Bilis natin, wala pang 20 minutes!” Masayang sabi ni Irene habang patalon talon pa. “Pag ikaw, halos isang oras pa siguro tayo.”

“Irene, marami pa akong plano sa buhay.” Umiling si Seulgi. “Marami pa akong gustong marating.”

“Alam mo ang OA mo. Napakabagal mo kasi magpatakbo.”

“Baliw ka, ang kaskasera mo.”

“Yung white.” Turo ni Seulgi.

“Yung gray.” Pagpupumilit ni Irene. “Ang dami dami mo nang white hoodie, tantanan mo nga.”

“Irene, ako ang nagpanalo sa atin, kaya ako ang pipili.” Masungit na sabi ni Seulgi.

Tinaasan lang siya ng kilay ni Irene.

“Kamusta date?” Nakangiting bati ni Lisa paguwi ni Seulgi sa unit 420.

“Hindi nga date, baby.” Sabi ni Jennie pero bumaling din siya kay Seulgi. “Pero how was the date, classmate?”

“Hindi nga date, talagang legit bumili lang kami ng jacket saka kumain. Libre na lang daw namin kayo sa tirang cash.” Pinakita ni Seulgi yung binili nila. “Aminin niyo. M