“I-loudspeaker mo, aasarin ko si Jisoo kay Seulgi.” Tumatawang sabi ni Nayeon.

Tinawagan ni Rosé si Seulgi at sumagot na rin siya pagkatapos ng panglimang ring.

“Seeuuuul.” Malambing na tawag ni Rosé.

“Tang ina mo.” Bungad agad sa kanya ni Seulgi. “Hindi tayo bati.”

Tinawanan nila si Rosé.

“Kala ko ba love ka nila?” Sabi ni Joy.

“Bakit na naman, Seulgi?” Tanong ni Rosé.

“Sino kausap niyan?” Narinig nila yung boses ni Lisa.

“Girlfriend ko, bakit?” Sagot ni Seulgi sa kanya.

“Sus, girlfriend daw eh hindi nga yan makaget over kay—”

“Hoy, hoy, hoy! Naka-loudspeaker kayo!” Malakas na sabi ni Rosé para di marinig ng friends niya yung susunod na sasabihin ni Wendy.

“Anong sabi mo?” Tanong ni Seulgi.

“Naka loudspeaker kayo.” Mahinahong sabi ni Rosé. “Gusto daw mag-hi ni Jisoo eh.”

Naghagikhikan sila.

“Hi, Jisooooooo.”

Narinig siguro nila Lisa si Seulgi kaya naki-hi na rin sila. “Hi, Jisoo.” “Hi, Joy.”

Nagtawanan sila.

“'Hi, Joy' ka pa nalalaman diyan Wendy, nung kaharap mo naman, tuod ka na!” Natatawang sabi ni Seulgi.

“Ngayon mo ako i-harap sa kanya tignan natin.” Hamon ni Wendy at medyo namula naman si Joy.

“Hi, Wendy.” Malambing na bati ni Joy.

“Hi daw Wendy, sabi ni Joy.” Ulit ni Seulgi.

“Ulol?”

“Oo nga, teka nga i-loudspeaker ko na rin.”

“Hi, Wendy.” Inulit ni Joy yung bati niya.

“Hi, Joy. Secret lang natin pero crush kita.”

Nagtawanan si Lisa at Seulgi. Pati na rin yung mga na sa West ay nag tawanan na may kasamang pagtili.

“Napaka-sebo mo, Wendy hayop ka.” Sabi ni Lisa.

“Wag ka inggit porket di mo maganyan si Je—”

“Wag kang maingay!”

Tumawa si Seulgi dahil parang binusalan ni Lisa yung bibig ni Wendy. “Tanggalin ko na sa loudspeaker. Sey, ano bakit ka pala tumawag?”

“Ay oo nga.” Masyado na sila nag enjoy sa pangaasar, muntik na malimutan ni Rosé yung pabor na hihingin niya. “Favor naman.”

“Ano na naman?” Nagiinarte yung boses ni Seulgi. “Ganyan ka naman, Sey. Mahal mo ba ako dahil kailangan mo ako, o kailangan mo ako kaya mahal mo ako?”

“Dami mo alam, Seulgi.” Comment ni Wendy.

Tumawa silang na sa West habang nag roll lang ng mata si Rosé. “Napakaarte mo, bwiset ka.”

“Ano nga?”

“Pabili alak, please.” Nagpacute si Rosé.

“Ayoko.” Matipid na sagot ni Seulgi.

“Sige na, classmate.” Nagpacute na rin si Jennie.

“Hoy, classmate.” Sabi ni Seulgi. “Ano na nangyari sa date natin?”

“Date tayo kapag naghatid ka ng drinks.”

“Hmm. Sige na nga. San ba kayo?”

“Sa West kami, Seulgi.” Sagot ni Irene.

5 seconds na katahimikan.