Putanginang van ‘to, wala na ba isisikip pa?

Sobrang ilang na ilang si Seulgi at hindi mapalagay dahil dikit na dikit yung balikat nila ni Irene sa sobrang siksikan. Buti na lang at nauna siyang maupo sa may window seat kaya pwede siyang mag earphones na lang habang nakatitig sa labas.

Si Irene naman ay nakatingin lang sa baba at sinusubukan na matulog.

Tumunog yung phone ni Seulgi at binasa na yung text.

From: Naeun

miss na kita agad, what to do :(

Natawa si Seulgi at di sinasadya ni Irene na mapatingin. Lalo siyang nanlumo nung nabasa niya yung text. Minabuti na lang niyang matulog, baka may iba pa siyang mabasa.

Nagising si Irene sa pag vibrate ng phone ni Seulgi. Siguro naalimpungatan lang siya pero nainis siya nang slight dahil naisip niya na napakaclingy naman ng jowa ni Seulgi at todo maka-tawag, hindi pa nga sila nakakalayo.

“Mamaya ka na tumawag, natutulog katabi ko.” Mahinang sagot ni Seulgi. Naiinis na naman si Irene kasi ang lambot ng boses ni Seulgi. “Oo, sige kainin mo na, baka mapanis na yan paguwi ko. Sige. Bye.”

Napabuntong hininga si Seulgi. “Oo. Love you too.”

Nahurt lalo si Irene. I love you-han na pala kayo.

“Oo, sasabihan ko siya. Busy eh. Sige na, Yves. Bye.”

Di napigilan ni Irene yung tawa niya.

Tinignan siya ni Seulgi na parang nahihiya. “Di siya sanay na wala kami parehas ni Lisa nang matagal, bakit ba.”

“Wala naman akong sinabi.” Nagpipigil pa rin ng tawa si Irene.

Tatlong oras na silang na sa byahe at nahihirapan si Seulgi makatulog dahil nagigising siya kapag napapatuka si Irene habang natutulog. Nagworry din naman si Seulgi dahil parang hindi komportable si Irene sa pwesto niya.

Pwede naman siguro ‘to, di ba?

Kinuha ni Seulgi yung ulo ni Irene at sinandal niya sa balikat niya. Maya maya din, pati si Seulgi, nakatulog na.

Di rin nila alam kung paano at bakit, pero nagising na lang sila na magkahawak kamay nang maluwag.

“Ang sakit sa paa, putang inang yan.” Comment ni Lisa pagkababa nila.

Nagstretch din si Seulgi. “Uy, ganda dito ah. Pwede na.”

“Rene,” Hinila ni Jennie yung best friend niya bago sila bumaba. “You sure okay lang?”

“Go na.” Tumango si Irene. “Enjoy ah.”

“I will.” Nakangiting sabi ni Jennie.

“Seul, si Irene pala kasama mo sa room ha.” Biglang sabi ni Lisa.

“Ano?” Hindi makapaniwala si Seulgi. “Bakit?”

“Sige na, please tropa.” Inakbayan ni Lisa si Seulgi. “Ano gusto mo? Libre kita, kahit saan. Kahit kailan. Kahit paano.”

“Ikaw magpagas ng kotse ko isang linggo.” Sabi ni Seulgi pagkatapos niya mag isip.

“Tangina naman, tol parang others naman turing mo—”

“Edi wag.”

“Hindi, hindi.” Kabadong tumawa si Lisa. “Sabi ko nga isang linggo.”

“Enjoy kayo.” Nakabusangot na sabi ni Seulgi.

“Okay lang yan, bhie. Chika chika na lang kayo ni Irene, ganyan.” Kumindat sa kanya si Lisa. “Malay mo may malaman kang mga information.. Mga happenings..”

“Pinagsasabi mo?”

Hinila na lang siya ni Lisa kasi tawag na sila ng prof.

Ma