Tapos na ang 2nd sem. Sa wakas.

“Mamimiss mo ako, ‘no?” Sabi ni Seulgi habang nag iimpake siya ng damit. Sa susunod na araw, aalis na siya para pumunta sa Hong Kong kasama ang pamilya niya. Si Irene naman ay maiiwan para mag take ng Mid Year classes.

“Ano akala mo sa akin, clingy?” Taas kilay na tanong ni Irene.

‘’Oo.”

Nag buntong hininga si Irene sabay tumawa. “Sama na lang ako sayo."

"Kung pwede lang eh, isisilid kita sa maleta ko.” Sagot ni Seulgi. “Ano pala gusto mong pasalubong?”

“Ikaw lang sapat na.”

“Sabi mo yan ah.”

“Joke lang!” Tumawa ulit si Irene. “Bilhan mo ako ng shirt. Keychain. Mga ganun.”

Umupo si Irene sa kama ni Seulgi at nagsimulang mag tupi ng mga damit niya. ‘’Excited ka na bang makita tatay mo?”

‘’Excited na ako makita si Mickey Mouse.” Nagpipili si Seulgi ng mga hoodie. “Saka bumili ng sapatos.”

From: Seulgiyah

airplane mode ko na yung phone ko bye po I love you! i’m gonna miss u huhu

To: Seulgiyah

Okay. Ingat. I love youuuu! Enjoy kayo diyan ha.

Unang linggo ng mid year. Tahimik sa West dahil mag isa lang si Irene. Si Sana ay pinili na lang mag bakasyon at si Joy ay walang nakuhang subjects kaya umuwi na lang din.

Mabilis ang pace ng classes kapag midyear dahil sisiksikin sa halos dalawang buwan lang ang isang sem dapat na subject. Madalas na kumakain si Irene kasama si Yeri at Wendy dahil naiwan din sila para mag midyear.

“Dito ka na lang matulog sa East.” Aya ni Wendy habang kumakain sila.

‘’Oo nga, dun din naman ako nags-stay sa ngayon.’’ Tumango si Yeri.

‘’Okay lang ba?’’ Nahihiyang tanong ni Irene.

‘’Oo naman, ano ka ba.”

Sa mga sumunod na linggo, tuwang tuwa si Yeri at Wendy dahil araw araw silang nilulutuan ng breakfast ni Irene. Madalas din na maglinis si Irene sa apartment.

“Ang linis ah! Baechu, dito ka na lang tumira!” Nanlaki ang mata ni Yves pagdating nung nakita niya na sobrang organized na ng mga kagamitan nila.

‘’Anong ginagawa mo dito?” Takang tanong ni Wendy.

“Nabugnot ako sa bahay.” Kibit balikat niyang sagot.

‘’Magkaaway kayo ng ermat mo, ‘no.” Tumawa si Yeri habang nagsasagot ng exer.

“Ano pa nga ba.”

Pagkatapos ng ilang araw, dumalaw din si Joy at lalong umingay sa Unit 420. Gabi gabi naman na magka-chat si Irene at Seulgi at paminsan ay nag v-videocall sila pero palaging saglit lang dahil madalas ay pagod na si Seulgi dahil buong araw silang nag libot at si Irene naman ay maraming acads.

“Ngayon, mag sh-shopping na ako ng sapatos.” Sabi ni Seulgi habang nakahiga sa kama niya. “Nagpapahinga lang ako saglit, grabe ang sakit ng paa ko. Pupunta kaming Disneyland bukas kaya baka di ako masyadong makapag chat ha.”

‘’Okay lang, enjoy ha.’’ Kita ni Seulgi na pagod rin ang mga mata ni Irene sa screen. “Exam na naman naming sa susunod na araw, kailangan makabawi ako. So baka di rin ako masyadong makasagot ng call.’’

‘’Di ka naman hinahassle ng mga tao diyan?’’ Tanong ni Seulgi.

“Di naman