“Morning.” Bati ni Wendy pag labas ni Seulgi sa living room na bagong ligo at inaantok pa. 

“Morning.”

Tahimik silang nag kape habang nakatulala, bilang ganun naman ata ang requirement kapag nagkakape sa umaga.

“Gisingin mo na ang mga bata.” Sabi ni Wendy at tumango na lang si Seulgi.

Sinilip ni Seulgi yung schedule nilang lahat na naka dikit sa pader, para malaman kung sino ang kailangan bumangon na.

Lumapit si Seulgi kay Rosé.

"Sey, papasok ka."

"Hmm."

"Sey, bawal umabsent."

Tumango lang si Rosé at itinaas ang kamay niya. "5 minutes?" Sabi ni Seulgi. 

"Hmm."

"Sige."

Sinunod naman ni Seulgi si Lisa na yakap yakap yung paa ni Yeri.

"Erp, may pasok tayo."

"Ayaw po." Mahinang sabi niya. Pag ganito lang talaga mahina ang boses ni Lisa. 

"Ayaw po?" Tanong ni Seulgi. "Sure?"

Tumango si Lisa.

"Kahit i-libre kitang breakfast?" Nilabas ni Seulgi yung alas niya.

"Ayaw po."

Nagkibit balikat si Seulgi. Mukhang di siguro niya talaga kaya dahil yun naman yung nagpapa bangon sa kanya usually.

Pumunta naman si Seulgi kay Yves.

"Ves." Natawa muna si Seulgi nung makita niya na puro drawing ng tite at tadtad ng salitang 'bobo' yung mukha niya. "Wag na pala, wag ka na pumasok."

Bumalik si Seulgi kay Rosé. "Sey. Bangon na."

"Last 5." Sabi niya. 

"Di na pwede, 9:30 na. i-hahatid pa kita."

"Okay." Bumangon na si Rosé nang dahan dahan at dumiretso sa banyo.

Bumalik si Seulgi kay Wendy.

"Naliligo na si Sey. Ayaw ni Lisa kahit sabihan ng magic words. 1 pa class ni Yerms at si Yves ay malubha." Pag rereport niya.

"Okay." Kumuha si Wendy ng ballpen at nagtarak ng linya sa tabi ng pangalan ni Lisa at Yves sa papel na may title na 'ABSENT COUNTER'. 

"Ayusin mo na yung damit ni Rosa."

"Opo." Naglakad si Seulgi at tumingin sa maliit na hamper kung saan nakalagay yung mga damit ni Rosé na inimbak niya sa Unit 420 para di na siya balik ng balik sa dorm. Ubos na yung mga damit niya pang alis kaya nag hanap na lang siya sa damitan ni Lisa. Ayaw na niya bigyan ng sarili niyang mga hoodie si Rosé dahil di naman nito binabalik.

Pumunta si Seulgi sa banyo at kumatok. "Sey, pasok ako."

"Ge."

Pagpasok ni Seulgi, sinabit niya yung mga damit ni Rosé at yung towel niya sa rack. Nag toothbrush siya at lumabas na din. "Dalian mo, Sey kakain ka pa."

"Opo."

Lumabas si Rosé at hinandaan ni Wendy ng tanging recovery meal na kaya niyang kainin pag mabigatang inuman ang nangyari kaga