"Lisa, ayos na yung motor mo?" Tanong ni Yves.

"Hindi mo pwede hiramin kung mambababae ka lang, Yves."

"Hala, hindi naman eh!" Umarte si Yves na offended siya. "Wala nga akong kinikita ngayon."

"Eh sino yang Kim Lip na lagi mong katext?" Tumuro si Lisa sa phone niya. "Katawagan mo pa nga sa gabi, nag cocomplain sakin si Wendy napakacringe mo daw lumandi."

"Oh bakit, di pa naman kami nag kikita ah." Ngumiti si Yves. "Magkausap pa lang. Kaya pahiram na, pre. Kakain lang kami."

"San ba kayo pupunta?" Tanong ni Lisa.

"Bakit mo tinatanong, sasama ka ba?" Tumawa si Yves pero bigla din niyang binawi. "Joke lang, 'to naman. Diyan lang. Samgyup. Babalik ko din mamayang 8 or 9."

"Bakit ang tagal naman? Anim na oras kayo kakain?" 

"Bakit ba ang dami mong tanong, wag na nga!" Tumayo na si Yves. 

"Joke lang 'to naman." Akmang iaabot na ni Lisa yung susi. "Takeout ah. Kimbap."

"Aba, hanep ah."

Biglang binawi ni Lisa ang susi. "Kimbap o mag lakad kayo?" 

"Kimbap sabi ko nga."

Bumuntong hininga si Lisa. "Hay, sana all may ka date."

"Pabebe pa kasi," Sabi ni Yves. "Andyan naman si Jennie."

"Ayoko nga dun." Pilit ni Lisa. 

"Pero crush mo?" 

"Secret." 

"Hoy, may quiz kami mamaya reviewhin mo nga ako." Paulit ulit na tapik ni Wendy sa balikat ni Yeri. 

"Kaya mo na yan, Wends. Stock knowledge lang katapat niyan."

"Ako mag rereview sayo." Kinuha ni Seulgi yung handout at nag basa.

Nakaupo sila sa isa sa mga couch ng coffee shop na paboritong tambayan ng mga studyante tuwing hapon.

"Blank is a chemical reaction between amino acids and reducing sugars."

"Alam ko yan!" Sabi ni Wendy. "Yan yung sa may page 5 ng handout, sa may baba."

"Sige, yan ang i-sagot mo sa quiz, hunghang." Sabi ni Yeri habang nag ha-highlight ng notes. 

"Alam ko yan, Seul wait lang." Kumamot ng ulo si Wendy. "Hint nga."

"Reaction 'to. Anong reaction kapag nag brown yung mga pagkain mo."

"Ah!" Pumitik ng daliri si Wendy. "Maillard reaction!"

"Mali." Umiling si Seulgi. "Kapag nag brown ang pagkain mo, ang reaction ay: 'yuck'."

"Putang ina, ayusin mo kasi." Hinampas ni Wendy si Seulgi.

"Ito na, ito na." Natatawang sabi ni Seulgi. "Next question."

Pumasok si Joy at Irene sa coffee shop at nag tingin tingin. 

"Sabi sayo, dapat maaga tayo pumunta eh." Sabi ni Irene kay Joy. "Puno na tuloy. Tara na."

"Wait," Humawak si Joy sa braso ni Irene. "Girl, si Seulgi yun di ba?" 

"Saan?" Tinanaw ni Irene yung