“Pero Ge, alam mong hindi ganun yun kadali.” sabi ko sa kanya.

“I know… and hindi kita minamadali. Nagawa kong maghintay ng tatlong taon. Ano pa ang 1 year, 2 years or kahit 3 years pa ulit. Pero wag naman yung forever akong maghihintay. Baka di ko na kayanin yun.” sagot niya sa akin at napatawa ako dun sa sinabi niya.

“Thank you Ge. Don’t worry, pahihirapan lang kita ng konti.” sabay tawa ko.

“Oh sige, pahirapan mo na ako ngayon. Para maging tayo na bukas.”

“Loko-loko.” Sabay hawak ko sa tenga niya. “Basta ha, ilipat mo ako ng ibang unit, ang pangit tignan magkatapat lang ang room natin. At baka…” hindi ko na tinapos ang sasabihin ko, baka kasi kung ano pa ang lumabas sa bibig ko.

“Baka ano Kimmy?” sabay ngiti pa niya.

“Wala.” Tumalikod ako sa kanya at kinuha ang gamot niya. 9 pm kasi naka due ang isa niyang gamot. “Oh, inumin mo na to’. Maya-maya lang pupunta si Doc Alex dito, behave ka ha.”

“Yes boss.” Aalis na sana ako pero bigla niya akong hinila papunta sa kanya. (MOH scene lang. LOL!)

“Ge, ano ba bitiwan mo nga ako. Baka may pumasok dito at baka kung ano ang isipin.” Pilit kong pinupush ang katawan niya papalayo sa akin.

“Sagutin mo muna ang tanong ko.”

“Ano ba yun?”

“Bakit natatakot ka na magkatapat lang ang room natin. Iniisip mo ba na may gagawin akong… alam mo na.” sabay ngiti pa niya sa akin.

“Hindi no!” hinampas ko ang balikat niya. “Ikaw kung ano-ano ang iniisip mo. Bitiwan mo na nga ako.”

“Kiss muna.” sabay pa-cute pa niya.

“Aba, Mr. Anderson, sumosobra ka na ha. Hindi porke’t ok na tayo…” hindi na niya ako pinatapos ng sasabihin. He kissed me and he pushed me closer to him, next thing I know is that i am kissing him back also. I admit, i liked it. Unti-unti kong nilagay ang dalawang kamay ko sa leeg niya and then i felt that he's hands were caressing my back. We’re kissing passionately, ng bumukas ang pinto. Napatigil kami ni Gerald at napatingin doon sa nagsalita.