NINGNING's

Lately, nagiging super comfortable na nina Winter at Karina sa isa't isa to the point na wala silang selosan.. kaya wala ding away sa bahay. Walang masyadong chika. 

Or so Gigi and I thought.

"Legit ba?" Tanong ko kay Gigi. Nagthe-thesis kami ngayon. Nasa school si Karina, may practice sa Hataw while nagpapahinga si Winter sa kwarto. 

"Oo promise, puro rant lagi si Kat about kay Winter at Yeji kapag nasa site na kami." Sinuklay niya ang buhok niya at nag-ipit. Mukhang ready na sa chismis!

"Si Winter tahimik lang. Hindi na yata affected sa pangungulit ni Jeno kay Kat. Or hindi tayo sure, baka may selos deep within." Pagkukwento ko. Inalis niya na ang tingin sa laptop at nagfocus na sa usapan namin. 

"Talaga?"

Hehe kumuha ako ng chips para mas enjoy ang kwentuhan. 

"Oo. Pero alam mo kung anong napansin ko?"

"Ano?"

"Si Yeji at Winter. Sobrang close na."

Exhibit A: Lunch time sa OJT. 

"Lunch na tayo guys." Yaya ni Yeji sa amin. Tumayo na ako kagaad kasi gutom na ko.

Naunang maglakad palabas ng kubo sina Taeil at Renjun. 

Lumabas na din ako at naghintay ng kasabay. 

Bakit parang ang tagal? Ang layo na ng nalakad nina Taeil.

Pagtingin ko sa loob, hindi pa pala kasi tumatayo si Winter at hinihila na siya ni Yeji.

"Win, tara na please?" Pagyaya ni Yeji ulit. 

"Kulit mo Yeji ah." Tumawa si Winter at hindi na nagmatigas. 

Tumayo na din at instantly nag-cling si Yeji sa braso ni Winter. 

Tumalikod ako para hindi nila makita yung gulat ko. Grabe! Two years nga bago maging comfortable si Winter sa pagiging clingy ko tapos si Yeji, that close na agad? 

Baka gawa nung Tinola?

Exhibit B: Tahimik sa office. 

Nasa labas yung dalawang lalaki. May inutos si Engineer Taeyeon.

Nagrerewrite ako ng notes sa envi kasi tapos ko na yung task ko. Si Winter nalang ang busy sa pagcocompute ng volume ng concrete.

"Win, kain tayo."

"Busog pa ko."

"Saang part ka na ba?"

"R.S. na."

"Wag na. Iexcel mo nalang yan." Nagulat ako nung biglang nagtawanan yung dalawa. Napatingin tuloy ako, confused kasi hindi ko gets kung bakit? 

Inside joke ba nila? I pouted.

Feeling ko tuloy, ako ang nagseselos para kay Kat.

Exhibit C: Nung late nakarating sa shed ang team nina Gigi.

"Uy, uuna na kami ha? May meeting pa kami sa thesis." Sabi ni Renjun. Tumango naman kami ni Winter.

"Oo sure! Ingat kayo guys!" Sabi ko while waving at them. Okay lang naman na kami nalang ni Winter ang maghintay.

"Ikaw Yeji?" I looked at Winter, then to Yeji na kausap niya.

Yeji smiled. "Sabayan ko na kayo."

Pinatong ko ang ulo ko sa balikat ni Winter. Medyo antok na kasi ako. Nafeel kong gumagalaw si Winter. 

When I opened my eyes, nakita kong naglalaro pala sila ni Yeji ng fruit ninja. 

Aba nga naman. More things to bond about ang peg.

GISELLE's

"Grabe.. may paganon na palang nangyayari."

"Mukhang friends lang naman sila. Kaso alam mo naman si Winter, oblivious yan." Tumango lang ako, medyo napakamot na sa ulo. 

"Nireject niya na si Yeji eh. Sure kang may something pa rin?" 

"Oo. Nakausap ko si Yej." Napabuntong hininga kami pareho. 

Stressed sa lovelife na hindi naman kami kasali. 

"Nakakastress naman." Natawa kami ni Ningning sa isa't isa. Parang pagod talaga, kumuha ako sa bowl of chips niya.

"Sina Kat at Jeno ba?" Siya naman ang nagtanong, curious siguro kung anong ganap sa team namin. 

Minsan na lang kasi kami makapagusap nang ganito. 

"Palaging nagyayaya si Jeno na magML sa site." Sabi ko nalang, yun din naman ang usual na nangyayari. Parang routine na nga nila yun after lunch.

"And?"

"Si Karina lang naman ang naglalaro nun samin." Haayyy, mga galawan ni Jeno. 

"Hala. Edi sila lang magkalaro?"

"Oo!"

Hindi naman namin pwedeng pagbawalan si Karina, lalo na at friendly din talaga siya. Sana lang alam niyang baka itake ni Jeno yung actions niya as something else, something more.

Exhibit A: Nung first day namin.

"Gusto mo din dun sa kabilang group?" Rinig kong tanong ni Ryujin kay Kat. Pasimple akong lumapit para makinig. 

"Ikaw din?" Tanong ni Karina pabalik. Tumawa si Ryujin. 

"Oo." 

Lumapit na din sa amin sina Yunjin at Jeno. 

"Hi Karina!" Bati agad ni Jeno boy. Napangiwi ako, nasesense ko na agad yung intentions niya.

"Hi Jeno." Nakangiting sabi ni Karina at tumingin din kay Yunjin. "Hi Yunjin."

Tumabi sa akin si Yunjin, nanatiling nakatayo si guy.

"Magka-org tayo, hahaha member mo ako." Patuloy yung pakikipagusap niya kay Kat, ang awkward nga niya tingnan eh. Parang nasa fansign event. 

"Ahh, yes. Nakita ko nga name mo." Sagot ni Karina na parang hindi ganun kainterested na makipag-usap, busy sa pagsilip sa kabilang team. 

---

"Oh, mukhang hindi naman type ni Karina si Jeno eh." Ningning leaned on her chair na parang natutuwa sa kwento ko.

Nako! Exhibit A palang yan. 

"Hindi nga, pero ano.."

Exhibit B: First time na magML sila.

"Boss Karina, done na ba tayo for today?" Lumapit si Jeno sa amin sa may terrace at tumabi kay Kat. 

Sikip sikip na dun sa upuan na yun, dun pa sumiksik! 

"Oo." Tipid na sagot ni Karina at umusod nang kaunti para makaupo nang ayos si Jeno. 

Tumingin tingin ako sa paligid, nasa malayo si Engineer Sooyoung, hahayaan ata kaming magliwaliw muna. Hehehe mas strict talaga si Engineer Taeyeon. 

"Anong games nilalaro mo?"

Naging comfy naman kaming magkakagrupo sa isa't isa. Pero itong si Jeno, laging nakasunod kay Karina. Kaninang tanghali nga, plano niya pang ilibre si Kat. Inunahan ko na, kilala ko tong si Kat eh. Di tatanggi sa libre. 

Kay Winter ko nalang papabayaran yung nagastos ko. 

"Um.. mobile legends lang. Hindi ako magaling sa shooting games." Kinuha ni Karina yung phone niya, sumilip ako. Nasa messenger, checking Winter's chathead. 

Walang reply si Win.

"Uy! Naglalaro din ako niyan. Laro tayo?" 

Tumingin sa akin si Karina. Hindi ko din alam kung bakit, nagshrug lang ako kahit hindi ko gets yung tingin niya. 

"Wait lang." Sabi niya at nagtype sa phone niya. 

Nagpaalam pala kay Winter. 

"Tara, one game."

Exhibit C: Walang service truck na sumundo sa amin. 

It's the same day na kinwento ni Ning kanina, late na kaming nakaalis sa site. 

Since walang service truck, naglakad na kami palabas sa highway in hopes of finding jeepneys or any service ng company. Minsan kasi may mga dumadaan at pinapasakay kami. 

"Okay ka pa, Karina?" I looked over my shoulder at nakita si Jeno na sinasabayan si Karina sa paglalakad. 

"Okay lang naman siya." Ako na ang sumagot, tumawa si Kat. 

"Huy Jeno, may nanliligaw na dyan kay Kat." Sabi ko pa, nakita ko naman na namula agad si Karina. Ayun naman, may effect pa din pala si Winter.

Akala ko lumulubog na ang ship ko eh. 

"Si Winter ba? Oo nga, sinabi ni Karina." Sagot niya. Umiwas na ako ng tingin para umirap. 

So sinabi naman pala ni Kat pero ganiyan pa din silang mag-act? 

Ginigigil ako.

"Yay! Service!" Nagtinginan kaming lahat nung ituro ni Yunjin yung paparating na service truck. Finally!

Naunang umakyat si Ryujin, then si Yunjin. 

"Thanks." Sabi ko kay Yunjin, ang bait niya kasi, lagi akong tinutulungang umakyat. 

I looked back at Kat. Piniglan siya ni Jeno na umakyat at nauna muna ang feeling gentleman para alalayan siya. 

Napairap nalang ako ulit. Hindi ko alam kung kay Jeno or kay Kat ba ako maiinis. 

---

"Ohmyghaaad. Scary." Problemadong react ni Ning at sumilip sa may hagdan. Worried siguro na biglang bumaba si Winter.

Hehe tagal na ng huling chismis session namin eh.

"True." Sagot ko at uminom ng tubig, she sighed ulit. 

"Kinakabahan ako."

"Bakit?" Tanong ko, kumuha ulit ako sa chips niyang paubos na. Nagpout muna si Ning at tumingin naman sa labas. 

"Lagi pang wala sa bahay si Kat. Narinig ko silang naguusap nung isang gabi ni Win. Nagalit si Kat kasi ginawa ni Win yung part niya sa Chapter 1 natin."

Hala? Bakit di ko narinig yun? Huhu

"Awit.." Yan nalang ang nasabi ko, disappointed sa happenings sa friends namin. 

Hindi ito yung type ng drama na gusto ko.

KARINA's

"Thank you talaga, Gigi." I said while holding the phone next to my right ear. Naglalakad ako ngayon palabas ng subdivision. 

"Oo naman Kat! No worries. Goodluck sa meeting niyo." She said goodbye na din and we decided to drop the call. 

Nagmamadali din kasi ako. 

I walked past our school at sumakay na sa tricycle para mas mabilis. 

"Aalis na po?" Tanong ni kuya. Tumango na ako. 

Time over money muna.

After witnessing how Winter cried the other night, hindi ko mapigilan na mapaisip. Gusto ko na siyang kausapin about dun pero sakto din naman.. nagchat ang mama niya sa akin kahapon, she wants to talk daw. 

Kaya I'm on my way to meet her.

Kinakabahan ako, honestly. Pero I don't think there's another way than this.

"Hello po mama. Kamusta po byahe?" I greeted her and lead the way papasok sa cafe. Dito lang din sa labas ng subdivision. She's the one who insisted na siya na daw ang luluwas sa city. 

"Naku ang init talaga dito. Buti nalang tuloy tuloy naman ang byahe, hindi ako naburyo." Reklamo agad ni mama. I chuckled.

Umupo kami malapit sa counter at tumingin na sa menu. 

"Order ka lang iha. Damihan mo ang kain. Mukhang masarap pa naman dito."

"Ay masarap po talaga! Favorite po namin ni Winter yung wings dito eh."

---

"Rina, iha." Pagsisimula ng mama ni Winter. Napalunok ako. 

"Yes po, mama?"

"Nasabi mo na ba kay Winter? Hindi pa din pala nagsend sa kuya niya. Tinawagan na daw nung isang araw pero wala naman daw sinesend na kahit ano." 

I looked back on what happened that day. Sigurado akong hindi siya tinawagan ng kuya niya habang magkasama kami nung umaga.. So, during work siguro? 

Is that why Yeji cooked for her? 

Nainis ako. I should've been there. 

I cleared my throat at pinaglaruan muna ang corn sa gilid ng plate ko. 

"Sorry po ma, nakalimutan ko pong ibring up." I lied, hindi ko naman kasi talaga balak kausapin si Winter about dun. Ayoko lang..

Tumingin siya sakin at ngumiti. "Okay lang, pasuyo nalang ha?" Sabi niya pa, lalo tuloy akong hindi makatingin. 

I hate lying. Pero tumango ako.

"Katarina.." Biglang tawag niya, I looked at her this time. Mukhang naghehesitate siya sa sasabihin niya. I know that look, similar sila ni Winter. 

"Napagusapan namin ng tito mo, baka gusto mong sumama." 

I coughed a little, pumikit habang umiinom ng tubig. What? Ako.. sasama? This is the one thing I didn't expect from this conversation..

"S-sa Japan po?" Tanong ko, kahit obvious naman. Bumilis ang tibok sa dibdib ko, kung ano-anong scenario na ang pumasok sa isip ko. 

I started to overthink the things that could happen. 

Ako, si Winter.. Ako na malayo kay Winter. Ako na hindi alam ang gagawin sa Japan.. Si Winter na natupad yung pangarap niyang trabaho. 

All stopped nang magsalita ulit si mama.

"Dahil baka sagutin mo na ang Winter namin.."

Gusto ko ba..? Gusto ko bang umalis? 

Gusto kong makasama si Winter, pero..

My phone received a notification. Tiningnan ko kung sino.