Ang init! ‘Yun agad ang unang-unang pumasok sa isipan ko, jusko lang. Pakiramdam ko matutunaw ako sa ilalim ng liwanag ni Mr. Sun. Kanina pa tingin nang tingin sa’kin ‘yung taga-kabilang section na boys… pake ko sa kanila. Nakaupo lang ako dito sa may puno, pawis na pawis na ako.

Sino ba kasi nakaisip na magkaroon kami ng clean-up drive dito sa plaza sa kalagitnaan ng araw?! Buti na lang at weekday so walang tao masyado, pero punyeta ‘yung mga dahon! Maya’t maya na silang bumabagsak at nagkakalat sa daan. Hindi na naubos, huhu. Nakasuot lang kami ng P.E uniform for this pa-eme ng school. Si Sungchan ayun kasama ng boys at nagtatanim, si Ningning busy sa pagtatanggal ng mga dahon dun sa bushes.

Kanina pa ako nagwawalis dito at nakapag-ipon na yata ako ng isang sako na puro dry leaves, perfect lang for our research. Susunduin ako mamaya raw ni Benjamino so mag-ask na lang ako if pwede namin dalhin ang isang sako.

Wala pa ako palang extra clothes so basang-basa na ako ng pawis and ramdam ko ang init ng pisngi ko sa sobrang taas siguro ng temperature sa paligid.

“Ayos ka pa ba diyan? Tawagan ko na si ate Rina?” Asar pa ni Ningning bago naupo sa tabihan ko. May hawak siyang stick at nagmukhang barbeque ‘yung mga dahon.

“Ang init, gusto ko magbabad sa malamig na tubig…” Reklamo ko at napasinghap na lang, ubos na pala ang tubig na dala ko, jusko.

Wala akong makita na malapit na mabibilhan, ‘yung 7 eleven, tatawid pa ako ng street at maglalakad pa nang medyo malayo. Gusto ko na lang mahiga sa damuhan na basa!

“May tubig ka pa ba?” Tanong ko kay Ningning.

“Wala na… kakaubos lang din dahil ni Sungchan.” Alas kwatro pa raw kami pwede umuwi, iniwan kami dito sa ilang student teacher na kasama namin. Naglilinis din sila kasama namin, at may iba na nagdodocument ng ginagawa namin.

“Anong oras na? Punyeta, ang init?” Tanong ko sa katabi kong busy sa phone niya. May bago na naman siyang ka-chat as usual. Wala siyang jinowa kahit isa sa kanila, literal na kausap at nakakadate niya lang… grabe talaga sa haba ng hair ‘tong si Ningning.

Sabi nga niya, after college na lang daw siya magseseryoso sa mga relasyon na ‘yan. Sa ngayon acads lang at konting landi para lang may distraction siya kahit papaano.

“Mag-3 pm pa lang, Winter… maghihintay ka pa ng 1 hour before mo makita si ate Rina.” Hinampas ko siya at sumandal na lang sa puno.

“Hindi naman ako ganun ka-clingy ‘no?!” Umirap ako at sinundot-sundot siya sa tagiliran.

“Kwento mo sa nakita kong yakapan niyo the other day…” Ha? Saan naman niya kami nakita?!

“Nakita ko kayo nung nagpunta ako sa bahay ng pinsan ko last week, same villa