Nabubwisit ako! Umagang-umaga, may nagkagulo na naman sa Junior High Department. Pati sa Senior High meron din. May kumalat na scandal ng kung ano raw tungkol sa isang JHS student at ‘yung college niyang jowa. Sa Senior High naman, may nagkasagutan daw na teacher at student sa isang class nila.

Hindi ko alam kung paano pa namin makocontrol ‘yung sa Junior High student dahil nalaman na lang daw nung kaibigan nung bata nasa kabilang school na ‘yung video. Sinend daw nung pinsan nung friend niya, galing daw dun sa naka-hack ng phone nung jowa.

Basta! Ang gulo-gulo! Hindi lang naman basta ‘yung scandal ang gusto naming macontrol pati ‘yung sa reputasyon ng school. Isa pa ‘yung pagkausap namin kanina sa parents nung student. Nag-lash out pa ‘yung nanay sa office kasi raw bakit ganun ang natututuhan ng anak niya sa school.

Ano namang kinalaman ng school sa scandal ng anak niya ‘di ba?! Hindi naman school ‘yung nagpakalat nung video, hindi rin naman namin alam na may jowa pala ‘yung estudyante. Pati kaming SSC officers nasigawan niya. I mean I get it, galit siya pero anong kinalaman namin dun?!

Hindi naman namin chinecheck ang phones at ibang whereabouts ng students dahil first of all, privacy nila ‘yun!

Nagbanta pa siyang idedemanda niya ang school kanina, jusko lang!

Sa SHS naman, nagsimula daw ng debate ‘yung teacher sa Philosophy subject nila tapos syempre na-hype ang students. Nagkainitan yata sila dahil sa medyo off na sagot nung teacher regarding social status tapos na-offend ‘yung estudyante. Basta nakarating na lang sa’min na minura nung teacher ‘yung student.

Galit pa rin ‘yung student pero heto pinapakalma dito sa office. ‘Yung teacher naman, kausap ng principal at iba pang head teachers. Hindi pa tumatanghali pero feeling ko drained na drained na ako, ang daming nangyari!

“Grabe ang araw na ‘to…” Reklamo ni Somi pagkatapos namin pabalikin sa room niya ‘yung SHS student.

“Baka may hahabol pa mamayang hapon…” Natawa na lang kami sa sinabi ni Ryujin. Natahimik kami at hinayaan ang aircon na lang ang gumawa ng ingay. Nakaka-drain talaga! Kailangan ko yata maligo sa yelo mamaya pag-uwi ko kaso wala naman akong bathtub sa banyo. Jusko!

Nag-text si Benjamino kanina na sina ate Gi raw ang kasama niya ngayong lunch but nag-order siya na scheduled for 11:30 am ang delivery. Ramdam sa buong office namin ‘yung pagbagsak ng energy ng lahat, kahit si Yuna ay tahimik lang din sa tabi… kaklase niya pala ‘yung JHS student kanina.

Hindi naman daw ‘yun ang unang beses na nagbanta ‘yung mother nung classmate niya. Kasi last year daw nagbanta rin siya dun sa teacher nila sa Math kasi mag 7 siya sa report card.

Jusko lang talaga!

“Delivery for Winter Kim po?” Inorder yata ni Benjamino ang lahat ng nasa menu ng Mcdo!

“Ang dami…” Hinatian ko sina Yeji at Somi sa food pero sinabihan ko rin si Benjamino. Grabeng dami nito, paano kung ako lang ‘yung kakain?!

Benjamino: Hehe, sorry na boss, nag-lag kasi phone ko kanina kaya napindot ko

Winter:  Ah basta, wag mo na uulitin palusot ka pa

Benjamino: Yes, Lagi… we’re pabalik na sa school, puntahan kita sa office niyo ha?

Hindi ko na siya nireplyan. Mas mabilis pa yata sa alas kwatro ‘tong babaeng ‘to basta sabihan niya akong pupuntahan niya ‘ko.

“Sa’n niyo balak mag-college?” Basag ni Yeji sa katahimikan.

“Ewan ko na… ‘wag na lang kaya ako mag-aral.” Natatawang sabi ni Somi.