Hindi ko alam kung dapat ba akong matuwa, pero naiirita talaga ako. Kumalat ‘yung pagpunta ko kina Benjamino as soon as makabalik kami sa school which was the following week after nung sleepover ko sa bahay nila. May mga nalaman pa akong chismis na ibinahay na raw ako ni Benjamino?!

Wala pa nga kaming isang month?! Hindi ako ‘yung tipo na magsasabi ng Come on, guys… 

Hindi ako artista ‘no?! At isa pa, grabe naman sila mag-assume na ibinabahay na ako. Porket ba natulog ng dalawang gabi sa bahay ng jowa, live-in na agad?! So magluto lang ako ng dalawang beses, chef na ako?!

Ibang klase ang pagkalat ng chismis, chika, chismax… kung ano-ano na. Dumadami ang Marites sa tabi-tabi, pati sa school madami. Bakit kaya hindi nila unahin na isipin muna failing grades nila last semester kesa maging invested sa mga bagay na wala namang konek sa kanila?! Hindi naman sila part ng relasyon namin, napakadaming alam!

“Nagsasalubong na naman kilay mo, Win…” Nakaupo kami dito sa canteen at kanina ko pa naririnig ang chismis dito sa table sa likod namin. Pinag-uusapan nila jowa ko, ‘yung about sa chismis sa buhay niya at kay Jaehyun… ano na namang meron dun sa lalaki na ‘yun?! Nung nakita niya ako last time sa bahay nina Benjamino, akala mo naman ang dami niyang ipagmamalaki--Ako pinili ng gusto mo ‘no?! Know your place!

Nakangisi lang siya at umiling-iling pa, nginitian niya si ate Irene na tinaasan lang siya ng kilay. Nalaman ko ‘yung gusto ni Jaehyun, nung family nila… ang magkamabutihan si Benjamino at ‘yung lalaking ‘yun kasi raw it would be a nice merging ng family. Mukha bang Photoshop canvas si Benjamino at i-memerge dun sa lalaking ‘yun?!

Iritang-irita ako to the point na nagtampo pa ako kay Benjamino kahit wala siyang kinalaman dun. Nasungitan ko siya at tinalikuran ko nung gabi. Pero nagising din naman akong nakayap siya sa’kin at nakasiksik ang mukha sa batok ko. Hindi ko talaga siya kinausap buong gabi--bakit kasi ang ganda-ganda niya?!

“Naiirita ako… ang daming panget sa mundo, panget na nga mukha wala pang magandang lumalabas sa bunganga!” Medyo nilakasan ko at agad namang natahimik ‘yung mga nakaupo sa table sa likod namin. Porket may poste sa pagitan namin, akala niya ba hindi ko na maririnig?!

Ang panget daw naman pumili ni Benjamino kasi Jaehyun na ‘yun inayawan pa, bakit daw sa’kin na High School student pa. Pake ba nila?! Kasalanan ko bang ako ang gusto ni Benjamino at hindi si Jaehyun?! ‘Di hamak na mas maganda ako kay Jaehyun, at mas cute ‘no?! Kung gusto niya ng pogi, I can din! Hindi ako papatalo!

Ganun ba ka-uninteresting ang buhay nila para pag-usapan nila ang buhay ng iba?!

Bago kami umalis sa canteen, dumaan kami sa table nila.

“Next time po, paki-make sure na kung mangingialam kayo sa buhay ng iba, sana maayos din ‘yung buhay niyo at walang pwedeng ipang-lait sa inyo.” Nginitian ko pa sila at saka sila tinalikuran. Nagkatinginan lang si Ningning at Sungchan sa si