Kinagabihan.

“Mamang” sabi ni Sunny habang namimili silang dalawa sa plaza ng sinokmane na pinasuyo ni Lola Son “Di mo naman sinabing ex-lover mo pala si Tatang Gerry kaya naman pala laging sinasakyan panunukso ko sa inyo.”

“Jusko, Sunny. Tigil tigilan mo na kasi iyang si Gerry” pilit na pagkubli ni Manang Fe sa mga ngiti niya.

“Wushuuu eh kinikilig ka nga dyan ohhh” sabay kiliti nito sa bewang ng nanay-nanayan niya, “kwentuhan mo kasi ako, mang”

Napatigil sandali si Manang sa pwesto ng nagbebenta ng mani, nakangiti sa kawalan, nagre-reminisce. At ng may naalala eh agad na shinake nito ang ulo sabay sabi ng “Wala nga kasi yon.”

“Sus.” pang-aasar ni Sunny, “kala mo ba di ko alam na yung isang araw na umalis ka eh nakipagdate ka sa kanya”

Nagulat si Manang Fe, nanlaki ang mga mata. Bistado. “Kanino mo naman nalaman?” sabay palo nito sa braso ni Sunny, “Kay Marites?”

“Grabe ka sa nanay ni Jujoy, mang!” tawang magaling ni Sunny. “Di lang naman si Aling Marites ang mga kaututang dila mo dito”

“Abay edi kanino?” sabay pamewang nito natatawa, “sabihan mo na dali!”

“Edi sa mudang ni Hwasa, alam mo namang di lang 'Baboy kayo dyan, mga suki!’ ang  binubunganga nun sa palengke pati kamo mga chismis” sabay iling nitong mapang-asar, “sakto nung isang araw, ako yung nautusan mong mamalengke dahil may lalakarin kayo ni Lola Son, edi for the chikka kami ni Tsang Malou”

Natawa din naman si Manang Fe, sabi na nga ba't walang sikretong di mabubunyag pa