Bata-Batuta si Jujoy 16
Ang Apo ni Lola Son
“Pabili po” sabay katok katok nung limang piso sa metal framing nung tindahan, “pabile~”
Walang sumasagot sa batang nakatok.
“PABILE HO” paguulit nung bata sa harap ng tindahan.
“Sandale~ eto na po” maliit na sigaw ang nanggaling sa loob nung bahay.
Lumabas sa may pintuan ng tindahan ang batang si Renren. Nakiusap kasi ang nanay nitong si Aling Barbara o minsa’y Titser Baeby kung tawagin, na pagbentahan na muna ang nabili sa labas at kung di alam ni Renren ang presyo ay itanong lang sa kanya.
“Ano bilhin mo Deulgi?” tanong nito sa kanya nang makita ang mukha nung nabili.
“Renren pabili akong hapi yung---”
“Sige. Saglit lang ha?” pagputol ni Renren sa nagsasalita pang si Deulgi
Dali daling nagtungo si Renren dun sa estante kung saan nakalagay ang mga toothpaste. Kumuha ito ng tatlong klase ng toothpaste base sa kulay at desenyo nito at saka nagdali daling pumasok sa bahay nila upang tanungin sa ina kung alin doon yung hapee toothpaste at kung magkano isisingil sa pagbebentahan.
“Ito oh” sabay abot ni Renren nung happee toothpaste na nakasachet nang makabalik sa tindahan, “10 pesos”
Kinuha naman Deulgi yung inabot sa kanyang hapee at pinisil pisil pa nga, ngunit may kasamang pagtataka sa kanyang mukha.
“Bakit?” tinanong na ni Renren nang mapansin ito.
“Renren….Di ito yung hapi na nibibili ko” kumento nito, “yung ano---”
“Ahhhh!” pag putol namang muli sa kanya ni Renren at agad kinuha yung hapee toothpaste at ibinalik nito sa pinagkuhanan
Comments