Bata-Batuta si Jujoy 15
Ang Apo ni Lola Son“Andyan ba si lola Son?” tanong ng mommy ni Wendy sa kabilang linya
“Wala po…” halos pabulong nitong sagot
“Pakausap naman si mommy kay Manang Fe na lang” pakisuyo ng mommy ni Wanwan na agad naman sinunod yaring bata.
“Manang Fe~ Manang Fe” marahang nanakbo si Wanwan para tawagin si Manang sa kusina, “kausapin daw po kayo ni mommy” sabay hila nito ng marahan sa daster na suot ni Manang.
“Sige, Wannie, salamat” sagot niya rito at tumayo na mula sa silya, “Marites, balikan kita ha?”
“Ay naku, Manang, huwag na at ako’y mamalengke pa. Maiwan ko na muna ho si Jujoy dito ha?” wika ni Aling Marites at hinaplos ang ulo ni Wanwan, “okay lang ba dito muna saiyo si Jujoy ko?”
Dahan dahang kumurba ang mga labi ni Wanwan at binigyan niya ng ngiti si Aling Marites saka sumagot ng mahiyaing opo.
Kasunod halos ni Manang Fe, sina Aling Marites at Wanwan pabalik sa may salas. Si Manang Fe, patungo sa telepono habang ang dalawa ay papunta kay Jujoy dahil nais sanang pagsabihan ni Aling Marites si Jujoy bago siya tuluyang umalis upang mamalengke. Binilinan niya ang bata na magsasabi kay Manang Fe kung ito ay lalabas para makipaglaro o kung ano man. Iniwanan niya rin ang Jujoy ng limang piso para pambili kamo ng nata de cocong hiling hiling nito sa kanya kanina.
“Hello ho” pagbati ni Manang Fe sa mommy ni Wanwan, “napatawag ho kayo Ma’am Anna”
“Hello Manang Fe” masayang bati nito, “nangamusta lang ho at namimiss ko na ang baby namin eh”. Napangiti naman si Manang Fe. Napakaswerte ba naman kamo ng napangasawa ng anak ni Lola Son, at itong hipag ni Lola ay singkara ng bait at aruga sa pamilya.
“Gusto ko din po sanang iparating sa inyo na uuwi ho kami ni William, mga first or second week ho ng May”
Tuwang tuwa si Manang Fe sa impormasyong nilathala sa kaniya, kaya naman napatingin siya siya sa direksyon nung dalawang bata upang masulyap si Wanwan na walang tigil na kinukwentuhan ni Jujoy..
“Ay siya matutuwa ang Wannie niyan” kumento ni Manang Fe sa sobrang tuwa nito sa paguwi ng magasawa sa bahay ng Lola Son, kaya naman napalakas yata ang pagkakasabi niya gawa nang napatingin sa kanya ang dalawang bata. Si Jujoy na nakangiti, at si W
Comments