Bata-Batuta si Jujoy 25 [Bisiklita]
Ang Apo ni Lola Son
Nakakamangha nga naman ang kakayanan ng isang litrato na ibalik ka sa isang ala-ala..
Klatangk klatangk
Klatangk klatangk
Ingay na likha na paulit ulit ng latang nakaestasyon sa may bintana ni Wanwan.
Ingay na gawa ng nasa kabilang linya, umaasang bigyang pansin siya ng kababata.
“Wanwan?? Bakit ka naiyak?” tanong ni Jujoy mula sa kabilang linya ng makita niyang nilapat na ni Wanwan ang lata sa kanyang taenga.
Nag-alala kasi itong si Jujoy ng makita si Wanwan na naka damit pa din na pinangsimba kanina at nahagulgol na. Sa pagkakatannda ng batang Jujoy, masaya pa naman sila nung magkasama kanina hanggang sa maihatid na nila sila Wanwan sa kanilang bahay. Malapad pa ngga ang ngiti ni Wanwan sa kanya nung magpaalam ito kay Jujoy, may pahabol pa nga na Panood daw magbike si Jujoy.
Kaya naman naguguluhan si Jujoy, ano ang sanhi ng pagiyak ng Wanwan niya?
“J-ju-joy..” hikbing maiigi ni Wanwan.. “Di na tayo tuloy mamaya..aalis na kami ni mommy…” sabay u-hu niya.
“H-ha???” di maproseso ni Jujoy ang mga pinagsasabi ni Wanwan.
Aalis?
Anong aalis?
San pupunta?
Lalayo si Wanwan?
“D-di ba d-dyan ka nakatira kela L-lola?”
“Jujoy, hindi…” pagpapaliwanag ni Wanwan, “vacation lang si Wanwan kina Lola…” dagdag niya, “uuwi na kami ni Mommy sa house namin.. Aalis na ako…”
“Huh?? S-sama si Jujoy… T-teka ss-aama si Jujoy, magiimpake si Jujoy, magddala akong damit.. Ssama si Jujoy” agad na binaba ni Jujoy ang lata at di na narinig ang pahabol ni Wanwan sa linya. Dali daling kinuha ni Jujoy iyong bagong biling bag sa kanya ng nanay nya pang iskul
At saka kinalkal yung cabinet nya at nagkuku-kuha ng mga damit na bibitbitin.
Naiiyak na din ang batang Jujoy sa pagmamadali.
Ayaw niyang maiwan siya.
Ayaw niyang aalis ang Wanwan niya.
Ayaw niyang iwanan siya ni Wanwan.
Pinagsasasaksak ni Jujoy ang mga damit at pati ang alkansya nyang puno ng mga napamaskuhan, perang abot ng tatay niya, at mga sukling hiningi niya na sa nanay biling serbisyong lingkod niya sa tuwing inuutusan siyang mamili sa tindahan ni Titser Baeby.
Dinig sa mula sa kwarto ni Jujoy ang mga yabag ng mga paa sa labas at boses ng mga tao mula sa bahay ni lola Son, pati na din ang huni ng pagistart ng sasakyan.
Lalong nataranta ang Jujoy at nanakbo na siya palabas ng kanyang kwarto habang nahagulgol.
“WANWAN!” sigaw nito habang naiyak at pababa ng hagdan. “WANWAN~!”
Comments