Bumangon ng bahagya si Joy at binuksan iyong zipper ng punda ng kanyang inuunanan. May kinuha siya mula rito at nahiga namang muli. 

Yeri-Seulgi-Irene-Joy. Yan ang pwesto ng apat sa higaan ni Joy. Kahit magkakapitbahay ang magkababata, napagdesisyunan nila na palipasin na lamang ang gabi sa tahanan nila Joy, upang magchikahan, magharutan, magkwentuhan, at kung ano mang wantusawa hanggang sa mapagod ang mga bunganga at mapagdesisyunang matulog. 

Tulog na sila maliban kay Joy na malalim ang iniisip at nakataas ang braso hawak hawak yaong kinuha niya sa kanyang unan upang pagmasdan. Habang ang isip ay nasa nangyari kani kanina

“Joy… Naaalala mo pa ba si Wanwan? Nagkita kami nung nagstay ako sa Canada..”
 

“Wow! Talaga ba?” ikinabigla niya ang balitang iyon at pilit na lang minaskara ng mga ngiti ang tila ba kirot na nadarama. “Kamusta siya?”

“Kinakamusta ka din niya…"

“Sana sinabi mo na oks lang ako dito” pilit pa din niyang pag ngiti kahit namumuo na ang mga luha sa kanyang mata.

“Ay Ihahanda ko lang yung mga unan at kulambo para mamaya ha?” singhap nito at tumayo mula sa pagkakaupo niya sa sahig. “May gusto ba kayong chicha or ano?” alok niya habang pilit na nagkukunwaring masaya.

“Beps…” wika ni Irene, "tulungan kita?"