Winter

Nakakatawa tingnan si Seola at Ryujin, parang tuod si Seola sa tabi ni Ryujin samantalang si Ryujin sobra makaiwas ng tingin kay Seola. Nandito kasi kami ngayon sa event hall para sa breakfast buffet. Naghihintay lang kami tawagin yung table namin bago kami tumayo.

“Ano tinitingin tingin mo?” pagtataray na bulong saken ni Ryujin na katabi ko lang din.

“Wala, naeenjoy ko lang yung view. Uncomfy ka at parang natatae. Kung sino sino kasi kinakalantari mo tapos ngayon, para kang ewan at di makatingin” bulong ko ding sagot sa kanya

“Hindi kaya, siya kaya nauna. Nag-kiss back lang ako” 

Napakatapang naman niyang ibulong saken mga pinagsasabi niya eh katabi lang namin si Seola.

“Alam mo tumahimik ka na at baka marinig pa tay-“

“Share niyo naman yung tea, kanina pa kayo nagbubulungan na dalawa diyan ah” pag-sabat ni Giselle kaya napatingin sa amin lahat ng tao sa table namin. Which includes Seola, Rina, Eunseo at Bona.

Si Eunseo na nakadukdok sa lamesa sa sobrang antok ay napatingin din sa aming dalawa.

“Ah wala yun Giselle” pagtanggi ni Ryujin

“Anong wala, you guys are weird din kanina paggising noh”

“Uhm” di na alam sasabihin ni Kumag, teka tulungan ko na

“Natatae kasi daw siya, alam niyo yung basa tapos mainit- ARAY!” 

“Napakababoy!” hampas sa akin ni Ryujin, taena nito, tinulungan na nga.

“Ano gusto mo sabihin ko?” inis ko siyang tinaasan ng kilay

Hindi naman siya nakapagsalita, “Paganti” sabi ko sabay hampas din sa braso niya.

“Potek ka talaga Winter, hindi titigil pag hindi nakakaganti eh” sabi ni Ryujin habang hinihimas yung braso na pinalo ko.

“Kadiri, ew. Ryujin!” kulit ng itsura ni Giselle, mukhang inimagine ni Gaga

“Perfect ka ha? Hindi ka pumupoopoo?” inis na sabi ni Ryujin

“Eh ikaw? Feeling Daniel Padilla kung magpoopoo?”

“Girls, sunod na yung table natin tatawagin and all you can talk about is ?“ nagulat naman kami nung nagsalita si Bona.

Nakita ko nanlaki mata ni Eunseo at agad inakbayan ang jowang may ugat na sa ulo sa sobrang inis.

“Babe, kalma. Hayaan mo na, hoy kayo, tigilan niyo na nga yung usapan niyo na yan”

Sinandal ko na lang sa balikat ni Rina yung ulo ko, signalling them na I’m out at ayaw ko na magsalita. 

“Sorry”

Ramdam ko yung tawa ni Rina kasi nagalaw yung balikat niya.

“Don’t laugh Rina” sita ko

“Sorry, it’s too funny”

Tahimik na kami nagsikain nung nakakuha kami ng pagkain sa buffet. Andami kinuha ni Ryujin, goodluck sa kanya. Sana maubos niya, takaw tingin pa naman tong ugok na ‘to.

“What time daw pupunta sila Ning?” tanong ni Eunseo

“After our first activity, so bali mga 2:30pm after lunch” sabi ni Giselle

“Okay lang ba daw sila makita?” 

“Break naman natin yun” 

“Okay, kayo bahala. Ay onga pala Seola, sila Ning pupunta yung jowa ni Giselle. Tapos yung dalawang kaibigan nila na si Yeji at Lia, masasaya kasama yun. Pakilala ka namin” pag-aaya ni Eunseo kay Seola.

“Oh? Sige lang, I think it will be nice having more friends”

“It is, alam mo bang matinik yan si Ryujin?” 

Napatingin ako kay Ryujin na napatingin din kay Eunseo na nagsasalita.

“Eunse-“

“Why?” naku po, at mukhang nacurious pa nga si Seola.

“Eh kasi yang si Ryujin, trip niya pareho yung si Lia at Yeji. Niligawan niya si Lia hahaha!” walang preno talaga bibig ni Eunseo pero nakakatawa yung mukha ni Ryujin

“What’s going on ba baby? Kanina ka pa nakafocus kila Ryujin, it’s not that I’m demanding sa attention mo. But it’s getting annoying na. What’s the deal ba with Ryujin” bulong sa akin ni Rina

“Oh sorry baby, ah eh,” Nilapit ko yung bibig ko sa tenga ni Rina before nagsalita, “Nagmomol si Ryujin at Seola kagabi”

Isang napaka-exaggerated gasp ang narinig ko kay Rina kay nasa kanya naman ngayon ang atensyon sa mesa. Paktay.

“What?” nagtatakang tanong ni Giselle

Medyo nakakapanic yung set ng eyes nila shet.

“Winter my earlobe and it felt good” natural na sabi ni Rina

Ay grabe? Yung jowa ko na ‘to minsan hindi din masyado maifilter.

“Omygod, get a room” 

“Winter ang aga aga” 

“Hoy Winter, ayos nga” 

Halo halo nilang comments. Napaface-palm na lang ako, taena mo Ryujin.

Naging maayos naman breakfast namin pwera sa dalawang awkard na sila Ryujin.

After ng breakfast ay pumunta na kami sa kanya kanya naming assigned professors para mag-gala gala na.

Nakita namin sila Prof. Irene at Prof. Lisa sa may entrance kasama yung ibang students na kasama namin.

“Ayan na pala yung last batch na hinihintay natin eh, let’s go na” sabi ni Prof. Lisa

To be honest ang boring ng activity na ‘to, ginala lang kami sa mga landmarks at diniscuss yung mga architectural history.

I like history pero lamang yung landi ni Prof. Lisa kay Prof. Irene. Kung nakikita lang ‘to ni Ate Seul panigurado selos na selos yon. Yung mga kasama naman namin ay tuwang-tuwa na shiniship yung dalawa naming Prof na kasama.

“Okay students, did you guys know that fort santiago is Rizal’s last pison bago siya inexecute?” may pa facts pa si Prof. Irene.

“Did you know ba Prof Irene na you’re so beautiful?” oh plakak ni Prof Lisa.

Umiling na lang si Prof Irene at hindi pinansin yung sinabi nung isa. Pero yung mga students tili ng tili ang mga bwakanangs.

Naramdaman ko nagvibrate phone ko kaya chineck ko agad kung sino.

From: Ate Seul
Bunso, san kayo? Di nagrereply si Ate Irene mo eh

Talk about timing, parang nakaramdam ‘tong ate ko