Winter

Napapaisip ako sa mga nangyayari sa aming apat ngayon, si Ning at Giselle hindi pa din nag-uusap tapos kami ni Karina ay medyo meron hindi pagkakaunawaan noong isang araw. Niyaya ko kasi siya mag-ML, tinuruan ko siya at napili niya yung fighter na si Aldous. Ako naman todo supporta, nag-Angela ako for her. 

Kaso yung jungle core naman kasi namin na si Roger, need din ng support ko. Meron kasi skill si Angela na sumasanib sa kakampi para magkaroon ng additional armor, tapos tuwang-tuwa naman si Karina pag sinasaniban ko siya. Dun nagsimula magreklamo yung Roger na jungle core namin, need naman kasi talaga ni Roger yon. Kaya sabi ko kay Karina, na si Roger muna sasaniban ko. Umu-oo naman siya, tapos nung maraming napatay yung Roger dahil sa support ko; nag nice-one baby.

Nagulat kami ni Karina yung nag-open mic yung Roger tapos babae pala, kaya napasimangot si Rina. 

"Wag mo na sasaniban yung Roger" malamig niyang sabi sakin non

"Hindi pwede Rina, kailangan natin damage niya para manalo" sabi ko naman

"Edi damage ko na lang gagamitin natin" tumango na lang ako at ayaw ko makipagtalo

Kaso sa kalagitnaan ng game, hindi makastack si Karina at laging namamatay. Kaya sinaniban ko si Ate Roger nung clash tapos na-wipe out yung kalaban tapos nag-open mic ulit yung Roger at sabing "Uwu~ ang galing ng Angela ko". Nakangiti akong humarap kay Karina at sinabi kong "Oh diba?! Ang galing ko talaga magsuppor-"

Na-wipe out din yung ngiti ko nang makita kong naiinis yung expression niya tapos tahimik na lang na naglalaro. In the end, nanalo kami kaso yung ka-duo ko parang natalo yung mukha.

Kaya ayun, nagtatampo sa akin si Rina tapos hindi ako masyado pinapansin. Wala naman ako kasalanan at isa pa, laro lang kaya yon bakit naman affected siya. Tinanong ko naman siya kung nagseselos siya sabi naman niya hindi naman daw.

 Kaya dalawa kami ni Ning nagmumukmok sa dorm ngayon, Sabado kasi tapos cancelled naman yung NSTP namin na klase.

Na-ikuwento na pala ni Ning sa akin yung usapan nila ni Giselle, last week pa huli nilang usap pero hanggang ngayon hindi pa din nila nasesettle yung kung ano man meron sila.

"Parechong, baka narealize na talaga ni Giselle na hindi talaga ako yung gusto niya" bigla naman nagsalita si Ning habang nainom kami ng chuckie sa sala at nakatingin sa patay na TV.

"Ayaw ko na mag-ML, nakakawala pala yun ng lovelife" sagot ko naman

"Kung hindi talaga ako yung gusto niya, okay lang naman. Pwede pa din naman kami maging magkaibigan eh" 

"Laro lang naman yun, bakit siya pikon. Ang gulo lang niya tapos hindi naman daw siya nagseselos"

Mukha kaming ewan na nagpapalitan ng rants habang nainom ng chuckie. Nagkatinginan naman kami at napatawa sa mga itsura namin. 

"Wag na nga tayo magmukmok dito, parang ang bottom pakinggan na nagmumukmok tayo dahil sa kanila. Tara mag-bar tayo at mag-enjoy! Ano tara?" excited naman na sabi ni Ning

"Ang ingay naman sa mga ganun, ayoko tapos pag-aalagain mo pa ako pag nalasing ka. Ayaw ko" pagtanggi ko

"KJ mo talaga Winter, hindi ako magpapakalasing promise. Magseselfie lang tayo at magstory lang tayo sa IG, dali naa" pagpipilit naman siya sa akin.

"Ayaw ko Ning, ang gulo gulo doon eh. Dito na lang tayo at baka mapahamak pa tayo kapag lumabas pa tayo ng sobrang gabi"

"Kung ayaw mo, edi ako na lang. Bahala ka diyan"  sabi ni Ning bago siya pumunta ng kwarto niya at mukhang magbibihis

2 hours later....

Napakasama ko naman kaibigan kung hindi ko sasamahan si Ning sa oplan IG story niya, baka kung ano pa mangyari sa kanya. Ang hassle talaga kasama netong babaeng to, kung ano maisipan gagawin niya.

Pumasok na kami dito sa medyo sikat na nightclub sa BGC yung Valkyrie, grabe lang tong suot ni Ning; agaw pansin. Nakasuot kasi siya ng long sleeve off-shoulder ruched mini dress na dark pink. Bagay naman sa kanya kaso pinagtitinginan kasi siya, lalo na ang tapang nung make-up niya. Taray nitong si Ning, ngayon ko lng nakitang nag-ayos ng ganito to kaya refreshing.

Ang suot ko naman ay yung casual lang na strappy midi dress na color red, ngayon ko lang to nagamit sa talambuhay ko. Pinadala sa akin to ni Ate Taeyeon incase daw para hindi daw ako magmukhang tanga. Si Ning naman yung nagmake-up sa akin, pero hindi ko pa din alam bakit ako sumunod sa kanya at pinabayaan gawin sa akin to. Wala na, andito na kami eh; may magagawa pa ba ako?

"Winter! Tara doon tayo mag-selfie tapos pwede ba tayo mag-isang round lang ng mojito?" nakangisi na sabi niya akin, ngayon ko lang ulit siya nakita magsmile ng ganito kaya hindi naman ako naka-tanggi. Salamat kang butete ka at tinotoler