Umaga pa lang ay tila excited ng makita ni Maja ang kaibigan dahil may maganda itong balita na ikakatuwa nito. Papasok pa lang ito sa pinto ng kanilang office nakita na niya si Kim na naka upo sa sariling working table.

“Kimmy.” Sigaw niya habang pumapasok sa pintuan ng kanilang opisina.

“Oh, bakit? Kung makasigaw ka naman.” Nag aayos si Kim ng gamit sa kanyang mesa, marami sila ngayon nakatambak na papeles dahil nga ilang araw din wala silang trabaho dahil sa bagyong Pedring.

“May good news ako sa’yo. At alam kong magugustuhan mo ito.” Nilapag ni Maja ang kanyang bag sa sarili nitong working table at pinuntahan si Kim. Magkatabi lang ang working table ng magkaibigan kaya malaya itong makipag chikahan.

“Ano nga?” Excited na rin itong malaman kung ano ang ibabalita sa kanya ng kaibigan. Alam kasi niya, na alam ni Maja ang mga gusto nito.

 “Makikita mo na si Gerald Anderson.” Sabay lagay ng dalawang kamay niya sa kanyang bibig, upang mapigilan nito ang pagtili sa loob ng kanilang opisina. Kahit siya mismo ay kinikilig para sa kaibigan. Alam kasi nito na matagal ng may crush si Kim kay Gerald. At kahit sa tv lamang nito nakikita ay masaya na ito. Isang gwapo at sikat na basketball player na naglalaro sa Star Magic si Gerald.

“Si Gerald Anderson? As in the most valuable player, Gerald Anderson? My Crush?” Hindi napigilan ni Kim ang kiligin dahil noon pa man ay gusto na nitong makita ang hinahangaang basketbolista.

“Oo, si Gerald Anderson, the MVP, the rich and famous, the heartthrob, the… wala na pala and most especially ang nag-iisa mong crush.” Sabay kindat sa kaibigan.

“Teka, saan? Kailan? At Paano?” Nagtatakang tanong ni Kim sa kaibigan.

“Isa-isa lang mafriend. Saan? Doon sa amin. Kailan? This coming Saturday. Paano? Eh di sasama ka sa akin?” Pa upo na si Maja sa kanyang working table dahil malapit na mag 8:30. Bawal na kasi silang mag chikahan at baka mapapagalitan na naman silang dalawa ng kanilang supervisor na bakla na si Ricardo, pero gusto nitong itawag sa kanya ay Rica, at sobrang insecure ito sa beauty nilang dalawa.

“Ha? This Saturday na? May ticket ba?”

“Oo. YM!” Senyas ni Maja kay Kim, nakita nito na papasok na si Rica.

“Ok, everyone! Attention. I would like you to meet Mr. Andy Lim. He’s the son of the owner of this business firm. Ngayon niyo lang siya nakita dito sa office natin because he was studying in New York. He will temporarily replace his father while on vacation.

“Ang cute niya mafriend.” Bulong nito sa kaibigan na halatang kinikilig ito.

“Sige, isusumbong kita kay Matteo.”

“Ito naman, nakyukyutan lang naman ako eh.” Depensa ni Maja.

 If you have any problem, you go directly to me. Ako na ang bahalang magpaalam kay sir. Andy. Is that understood?

“Ang landi talaga ng baklang ito.” Bulong ni Maja kay Kim.

Hindi napigilan ni Kim ang mapatawa sa sinabi ng kaibigan. “Huwag kang maingay, mamaya marinig ka niyan. Lagot tayo.”

Lingid sa kaalaman ng magkaibigan, pasulyap din palang tumitingin si Andy kay Kim.

“Ahm, excuse me?” Bulong nito kay Rica.

“Ah, yes sir?” Halatang kinikilig ito.

“Who’s that girl?” Sabay tingin sa direksyon nila Kim at Maja.

Tumaas ang kaliwang kilay nito. “Which one Sir?”

“The chinita.” Nakatingin pa rin ito sa dalawa.

“Ah, she’s Kim Chiu. One of our encoder.”

“Ok, thanks. Sige, pabalikin mo na sila sa trabaho.” Sabay labas ng opisina, dahil may sarili itong room kung saan doon siya mag tatrabaho.

“Ang suplado naman nun.” Komento ulit ni Maja kay Kim.

“Yun naman gusto mo eh, diba nga para may thrill?” Panunukso ni Kim sa kaibigan.

“Ok, go back to work now. Nandito lang ako sa table ko, tandaan niyo yan. Ayoko ng maingay!” Pinandilatan nito ang dalawa, lalong lalo na si Kim.

Bumalik na sa kanya-kanyang working table ang magkaibigan at ang mga ka-officemate nito.

Tinuro ni Maja ang kanyang computer, na ang ibig sabihin ay sa YM na lang sila mag usap ni Kim.