Tapos na akong uminom ng gamot. [Send]

           [1 message] Okay, see you later, Sugi. :)

            See you.  [Send]

            “Ba’t walang smiley?”

            Napatayo ako sa kinauupuan ko dahil sa gulat kay Yuri. Hindi ko namalayan na nakikibasa na pala siya. Tumayo ako at akmang susuntukin siya pero tumakbo siya papunta sa girlfriend niya na nagluluto sa kusina. Hinabol ko siya at pilit na inaabot.

            “Love, baka mapagod si Sugi.”, pagsaway ni ate Jess.

            “Nagtatanong lang naman kasi ako kung bakit walang smiley yung reply niya kay Doc, nakangiti naman kasi siya habang nagte-text.”, nagtago pa si Yuri sa likod ni ate Jess. “Ewan ko ba diyan kung bakit ganiyan ‘yan.”

            “Bakit kasi nakikibasa ka?”, umirap ako at tinigilan ang pag-abot sa kaniya.

            “Tingin lang ih. Damot.”

            “Heh!”, lumapit ako sa kalan para tignan ang niluluto ng girlfriend niya. “Ate Jess, tulungan na kita.”

            “Thank you, Sugi. Pero duon ka na lang sa sala. Ayaw kong mapagod ka. Call mo na lang si Aeri or si Doctora.”

            “Love, huwag mo ngang pinapakilig ‘yan si Sugi. Magseselos na ako niyan, tignan mo.”, pagmamaktol ni Yuri.

            “Kakaadwa.”, bulong ko kahit natatawa naman talaga ako sa itsura niya. “Tawagin mo lang ako ate Jess kapag may iuutos ka.”

            “Okay!”, nakangiting tugon niya.

            “Oh, tara na. Baka maging crush mo pa ‘yan.”, sabad ni Yuri at inakbayan ako. Sinuntok ko nang mahina ang tagiliran niya.

            “Yuri, saan ka pupunta?”, tanong ni ate Jess bago kami tuluyang makalayo.

            “Sabi mo magpahinga na lang kami?”, seryosong tugon niya.

            “Anong kami? Si Sugi lang.”, nakapamewang pa si ate Jess habang may hawak na sandok. “Help me here.”

            Agad napalitan ng busangot na muka ang mapang-asar na itsura ng kapatid ko. Inasar ko pa siya bago ako bumalik sa sala.

            Nagpumilit na akong tumulong kila ate Jess nung inaayos na nila sa lamesa ang mga niluto nila. Pagkatapos naming madisenyohan ang loob ng bahay, sunod naman naming inayos yung garden. Death anniversary kasi ni Lolo at pupunta dito ang mga kamag-anak namin.

            Nung dumating si Aeri, nilamog niya muna ako sa yakap at gigil bago siya tumulong sa amin. Para lang kaming mga bata magkakapatid habang nag-aayos. Napaka mapang-asar kasi ni Yuri at sobrang OA naman ni Aeri.

            Unti-unti nang dumadating ang mga kamag-anak namin pati na rin ang mga naging kabanda at mga kaibigan ni Lolo. Nandito rin si Wanda na hindi ko na tinatawag na ale. Dumating na rin si Krystal.