Maganda siya.

               Ganda ng hallway.

               Ganda ng rooms.

               Ganda ng tables at chairs.

               Ganda rin ng mga estudyante. Bading tayo for today's video.

               Joke. Hay, nandito na kami sa classroom nila Giselle. Nagrereplay sa utak ko yung kaganapan kanina sa labas.

               Yung mga puno.

               Mga estudyante.

               Yung preskong hangin.

               Cheesecake sa lapag.

               Yung cheesecake ko sa lapag.

               Oo, na-flying kick yung cheesecake ko kanina. Kalunos-lunos talaga yung nangyari sa cheesecake. Kapag naaalala k- hay.

               Pero inassure naman ako ni Giselle na bibilhan niya ako mamaya. Isa lang kasi nakaschedule na class namin for today. After nito napag-usapan namin na maglilibot kami sa buong campus.

               Sinuot ko yung hoodie ko kasi nakakaramdam na ako ng lamig dito sa pwesto namin. Sa third-row kami umupo kasi nakita namin yung bag nina Chaeryeong at Chaewon dito. Nag-cr ata yung dalawang gaga.

               "Samahan niyo ako sa clinic mamaya." Sabi ko sa dalawang nasa magkabilang gilid ko. Sabay silang lumingon sa akin at sabay rin silang nagtanong kung bakit. Ang cute lang, mukha silang gago.

               "Hindi lang kasi cheesecake yung nasipa kanina, pati yung kamay ko. Medyo makirot, ang lakas din kasi ng pagkakasipa nung babae kanina." Sabi ko sa kanila. "Akala mong Taekwondorist na ewan eh."

                "Masakit pa rin? Ngayon na ba tayo pupunta?" Tanong ni Ryujin na akmang tatayo na sana kaso pinigilan ko siya.

                "Mamaya na, after class."

                "Sure ka ha? Yari kami kay kuya Jae niyan, binigay ka niya sa amin nang buo at masaya sa buhay." Sabi ni Ryujin. Ang drama ng mga kaibigan ko, dios mio. "Baka mamaya ilayo ka niya sa amin, dalhin ka sa ibang bansa tapos doon ka na pag-aralin. Magwawatak-watak yung barkadahan natin kasi magsisisihan kami na hindi ka namin dinala sa clinic agad."

                "Oo nga, gusto mo bang mangyari 'yon?" Dugtong ni Giselle.

                Kailan ko ba sila makakausap nang maayos?

                "Wazzup mga pokengkay!" Sigaw ni Chaewon sa amin. "Oh, anyare dyan kay Winter? Aga-aga nakabusangot." Tanong ni Chaewon bago umupo pwesto nila.

                "Hulaan niyo kung bakit." Ryujin naman, ginawa pang game show yung buhay ko. "Ang makahula papasahan ng bente ni Giselle sa gcash."

                Dinakma ni Giselle yung ulo ko dahilan para mapayuko at kinabog nang malakas ang likod ni Ryujin. Anong ginawa ko sa past life ko at nadadamay ako sa kagaguhan nitong dalawa?

                "Ayan gago, tanggal angas mo. Isang kabog ka lang pala sa likod eh." Tawang-tawa na sabi ni Chaeryeong. Hindi pa nagsisimula yung klase pero sobrang gulo na ng mga kaibigan ko. "Ito hula ko, about sa cheesecake niya?"

                "Tatlo lang naman dahilan kung bakit laging malungkot si Winter. Una, kapag walang cheesecake sa canteen. Pangalawa, kapag wala na siyang stock ng cheesecake sa bahay. Pangatlo, kapag naubos na niya yung cheesecake na kinakain niya." Pagpapaliwanag ni Chaewon. Grabe lang kasi kilalang-kilala talaga nila ako.

               Kinwento ni Giselle yung buong nangyari kanina.

               Saktong natapos magkwento si Giselle nang mapatingin kami sa harap kasi biglang may nagsalita. Siya ata yung magiging adviser namin.

               Gusto ko na mag-uwian.

               Hindi ako mapakali hangga't hindi ako nakakakain ng cheesecake.

               Nagpasama si Chaer na mag-cr sa akin. Ang lamig talaga sa room kanina.

               "Sample nga ng twerk." Asar ko kay Chaeryeong. Sinabi niya kasi na nagpractice raw siya na magtwerk nung bakasyon.

               "Try mo dali."

               Pumasok na ng cubicle si Chaer.

               Paano nga ba mag-twerk?

               Unang try ko, likod ko lang gumagalaw.

               Pangalawang try ko, likod ko ulit.

               Pangatlong try ko, napapaatras ako. Pwede bang umalis sa pwesto habang nagtwetwerk? Mas nakakakuha ng force yung Gluteus maximus ko kapag umaatras eh.

               "Chaer, feel ko marunong na ako mag-twerk." Pinwesto ko ang sarili ko sa cubicle kung saan siya pumasok kanina para pagbukas niya, Winter bad era makikita niya. Bale naka side view ako sa tapat ng cubicle ni Chaeryeong para kitang-kita niya yung twerk ko.

                Ang alam ko 5th cubicle siya eh.

               "Weh ba?"

               "Oo gagi, dali. Nandito na ako sa tapat ng cubicle mo." May narinig na akong nag-flush. Patapos na ata si Chaeryeong.

               Narinig kong nag-unlock na at unti-unting bumukas yung cubicle door kung saan ako nakapwesto. "Oh 'di ba, kaya ko 'no? Kaso nga lang nakakangawit naman sa posisyo-"

               Napatigil ako nang biglang may bumukas ulit na cubicle at nakita kong lumabas si Chaeryeong sa cubicle na 'yon. Sa 3rd cubicle.

               Nasaan ako?

               Nasa tapat ng 5th cubicle.

               Ayaw kong lumingon pero dinapuan ng kademonyohan yung leeg ko, ayon gumalaw. Tumambad sa akin ang isang estudyante na naka-black shirt, naka-high ponytail at halatang pinipigilan niya lang na matawa sa kaganapan ngayon sa cr ng arki building.

               Tinignan ko si Chaeryeong. Pinandidilatan ko siya ng mata kasi gusto ko na lang na magpalamon sa lupa ngayon dahil sa kahihiyan.

               "A-ah ano 'yon Winter? Yung singsing mo hinahanap mo? Kaya ka nakaganyan dyan?" Life changing yung palusot mo, Chaeryeong. Wala na akong nagawa kaya sinabayan ko na lang din yung sinabi niya.

               "Oo, wala ba dyan?" Dahan-dahan na akong umayos ng tayo at iniiwasan kong matignan sa mata yung babae na nasa 5th cubicle.

               Naramdaman ko namang lumabas na yung babae sa cubicle. Pinapakiramdaman ko kung saan siya pupunta, maghuhugas ata siya ng kamay niya.

               Nakikita ko rin siya sa peripheral vision ko na nakatingin sa akin. Dios ko, ano ba 'to? Si Chaeryeong naman nakayuko at nakatalikod lang sa kung nasaan ako, feel ko nagpipigil siyang tumawa ngayon.

               "You were looking for this?" Napastraight ako ng tayo bigla sa sinabi niya. May hawak siyang singsing at nakataas nang bahagya ang mga kilay niya.

               Timing nga naman oh. Thank you, Santino. Ang lakas ko talaga sa'yo.

               Agad kong kinuha ang singsing na hawak niya.

               "Ah! Oo, ito! Salamat, t-thank you talaga. I-ito talaga yung hinahanap kong singsing kanina pa. A-ah, ayon thank you."

               Ayan yung paputol-putol kong sinabi doon sa babae. Hindi ko alam kung saang direksyon ako maglalakad kaya hinila na lang ako ni Chaer at hinayaan kong hatakin ako ng tropa ko. Pangalawang beses na 'to na nahatak ako ngayong araw ah.

               "Ako lang ba or kamukha ni Mama Mary yung babae kanina sa cr? Kaso hindi ko gaano nakita nang malinaw yung makita niya, 480p lang yung quality." Sabi ni Chaer. Naririnig ko siya pero nakatingin lang ako sa singsing na nakita nung babae kanina sa cr.

               Kanino kaya 'tong nakita niyang singsing?

               "Ang liwanag kasi kanina masyado tapos may araw pa galing sa bintana, pero alam mo 'yon? Unang lingon ko sa kanya, Mama Mary vibes talaga. Ang pure ng itsura."

              Yep, hindi pa rin siya tapos dumaldal about doon sa babae kanina sa cr.

               "Saan na si sir?" Tanong ni Chaer pagbalik namin ng room.

               "Wala na, pinalipad ko na. Ayan yung form niyong dalawa sa table niyo." Sabi ni Chaewon habang naglilipstick.

                Form? Kinuha ko yung papel na sinasabi nila.

                Ah.

                Club application lang pala.

               "Alam niyo ba si Winter kanina sa cr nag-twerk sa maling tao." Biglang kwento ni Chaer.

               "Gago ano?" Kunot noo na nagt