Matapos ang tatlong oras kong paghihintay sa amo ko kasama ang dalawang aso sa tabi ko ay lumabas na rin siya ng bahay. Pumunta na kami sa venue ng taping ng bago niyang movie. Sa Zambales daw, eh di ba diary sa Mindanao pa yun? Ang layo naman. At di ba, may nagbabarilan dun? Kaso pagdating namin, malapit lang pala. Hindi manlang nageroplano o barko. At syempre, dahil si Dhariel Padilla to, nandun din si Karyn Bernardo. Ang pantasya ng kapitbahay ko sa probinsya. At tama nga ako diary, nandun nga sya. Kaso diary, napagalitan ako. Pagbaba ko kasi ng sasakyan ay nagtatakbo na ako kay Karyn. Balak ko sana magpa-autograph para ibenta sa kapitbahay ko. Kaso nagalit yung make-up artist nya. Napagsabihan tuloy ako ni Dhariel. Sayang nuh. Pero okay lang, may iba pa namang chance eh. Kaso diary, may problema ako ngayon. Hindi ko alam na dito pala ang tulog namin. Wala akong dalang gamit. Huhu. Pano na ako nito? -namomoroblema dahil sa walang damit at toothbrush na dala, Riyu.