Binuksan niya ang gate at pinapasok ako. Nauna naman sa akin yung dalawang brown na aso na malalaki. Alam ko talaga may breed yung mga aso na yun. Kaso hindi ko naman kung ano. Askal lang naman alam ko, diary. Ala, basta tumatahol, aso. At ayun na nga, pagpasok ko ng gate, may nakita akong babae na medyo may kalakihan ang katawan. Alam mu yun, medyo chubby. Nagdidilig siya ng halaman. Nabigla ako nang tinawag siya ni Dhariel na 'ma'. Nganga na naman ako. Si Darla Estrada, diary. Ang singer na palaging bukambibig ng nanay ko nung nasa probinsya pa ako. Susko, inay! Ang idol mo. Nakaharap ko na. At nagdidilig siya ng halaman. Naku, diary. Wag kang magpapabasa kay inay ha. Alam mo naman na ang alam niya ay nag-aaral ako dito at isang iskolar, di ba? Baka mapalo ako nun kapag nalaman niya na hindi ako nag-aaral. Nagpaalam naman si Dhariel na magreready lang daw siya. Naghintay lang naman ako sa garden kung saan nagdidilig si Darla ng halaman. Nandito lang naman ako nakaupo, habang binabantayan ng mga aso. Juskopo