Ang gusto ni Winter ay mag-aral. Hindi si Karina. Take note of that.

Sino ba naman kasi yung isa para pagkaabalahan niya? Maganda lang naman siya. Matalino. Mabait, sabi nila. At kung ano pang "M" na compliments ang meron sa mundo. 

Mga kaibigan lang naman niya nag-iisip ng kung ano ano. Malay niya bang same college sila ng lilipatan ni Karina? Hindi nga niya alam na nagdesisyon na ang parents niya na sa Maynila siya magcocollege. Hindi niya alam na ipapatapon siya ng sariling pamilya sa labas ng probinsiya.

Ayos lang naman sa kanya. Change of environment na rin. Well, 'yon ang akala niya. Pa'no ba naman kasi? Hanggang Maynila, nakabuntot ang mga kaibigan niya. Dahilan nila, walang iwanan. Literal.