"May gusto ba sa akin si Karina?"

"Hoy, anong binubulong mo diyan? Alam mo naman sigurong naririnig namin yung sinasabi mo, ano?" tanong ni Ningning na kasalukuyang nakatingin sa akin. Mabilis na nagsalubong ang kilay ko nang sambitin ito ni Ningning, kaya nagkunwari na lamang ako na hindi ko naintindihan ang tinutukoy niya.

"Pinagsasabi mo riyan?" tanong ko atsaka nagpatuloy sa paglalakad. Kasalukuyan kaming nasa daan, at balak naming dumaan muna sa bagong bukas na coffee shop dahil may aircon doon at uhaw na uhaw sa matcha si Giselle.

"Sorry ah, kaibigan kita pero imposibleng magustuhan ka ni Karina because at the first place, hindi natin alam kung bading siya..." bulong ni Ningning.

"Atsaka isa pa, mukha kaya siyang straight." bulong naman ni Giselle.

"Hay nako, itigil na nga natin ito. Hindi maganda yung pagaassume natin about sa uality niya, okay?" buntong hininga ko atsaka binilisan ang paglalakad. Maya maya ay binilisan din ng mga kaibigan ko ang paglalakad. Laking gulat ko noong ipatong ni Ningning ang palad niya sa balikat ko, atsaka nagwika, "Sabihin mo nga, Winter, may gusto ka ba kay Karina?"

"HUH?! WALA AH!" pagtanggi ko sabay tanggal sa palad ni Ningning sa balikat ko. "STRAIGHT AKO!" dagdag ko pa atsaka binuksan ang sliding door ng coffee shop. Malinis at amoy kape sa loob ng coffee shop. Malamang, kaya nga coffee shop eh. Inikot ko ang aking paningin upang maghanap ng upuan, ngunit sino ba ang magaakala na makikita ko rito si Karina? Mabilis akong tumalikod at bumalik sa sliding door ng coffee shop dahil hiyang hiya ako sa kanya. Huwag niyong tanungin kung bakit, basta nahihiya ako.

"Oh, saan ka pupunta Winter?" napalakas ang pagtanong ni Ningning, kaya agad akong napakagat sa labi. Hindi imposible na marinig ni Karina ang boses ni Ningning dahil ang tahimik ng coffee shop.

"Oh, Ningning, Giselle!" rinig kong pagtawag ni Karina. "Dito na kayo umupo!" 

—

Katulad nga ng inasahan ko, nandito ako, katabi si Karina, Giselle, Ningning, pati na rin si Chaewon, na kasamah