Katipunan Avenue
Kalachuchi
“Kali! My little girl!” bungad na bati sa kanila ng kanyang mommy. Patakbo itong yumakap sa arkitekto bago hawakan ang magkabilang pisngi at pupugin ng halik.
Rinig niya ang tawa ni Akira sa kanyang gilid, “Ma naman,” pabirong pagtulak ni Kali sa kanyang ina na ikinasimangot ng ginang.
Ngunit nang dumapo ang paningin nito kay Akira ay agad na nanumbalik ang ngiti sa kanyang mga labi. Lumapit ang pintor sa kanya upang magmano ngunit pinigilan siya nito, “Ikaw na ba si Akira?”
Nahihiyang ngumiti ang pintor, “Yes po, ma’am.” Sinunggaban niya ng beso ang mga pisngi ni Akira. “Kay ganda mong bata!”
Ikinawit nito ang kanyang braso sa dalaga upang sabay silang maglakad papasok sa bahay. “Don’t call me ma’am nor tita! Call me mommy or mama, okay?”
Nalimutan na ng dalawang binibini si Kali na naiwan upang magbitbit ng gamit at magsara ng gate. Napakamot na lamang ito sa batok, natatawang sumunod na papasok.
Naabutan niya silang nag-uusap sa kusina habang kumukuha ng tubig ang may-bahay. “Be comfortable sa pagtawag sa ‘king mommy or mama Anj, ha, Akira?” malambing ang tono ng ginang.
“Sure po, mommy Anj,” malawak ang ngiting ibinigay ng dalawa sa isa’t isa. Pagbalik nila sa salas ay bumungad sa kanila ang nakahanda nang agahan na binili nina Kali at Akira sa daan, “Sorry, mommy. Late na ‘kong nakapagmessage,” yakap ni Kali sa magulang.
“Ano ka ba?” magaang tapik nito sa braso ng anak, “Ang mahalaga, you brought Akira with you.” Ngumuso si Kali isa narinig na ikinatawa naman ng dalawa.
Kasalukuyang nasa Pampanga ang magkasintahan. Sumaglit sila sa bahay ng mga Lopez para kummustahin si mommy Anj at para pormal na ring maipakilala si Akira.
Naupo ang pintor sa tabi ni Kali habang katapat naman niya si mommy Anj. Tuloy lang sila sa pagku-kwentuhan habang pinapalamanan ni Kali ang mga pandesal. Tinapik niya muna ang kandungan ni Akira bago tumayo; tinanguan lamang siya ng kasintahan.
Nagtungo siya sa kusina para magluto ng itlog at timplahan ng kape ang dalawa.
Nagawa niya pa ngang dumaan sa pagitan ng mga ito ngunit hindi pa rin siy
Comments