Doña Magdalena Hemady Street
Kalachuchi
Tinulungan na ni Kali si Akira sa pagliligpit. “Maglagay kaya tayo ng sign para walang magtangkang patungan ‘to?” pagmumungkahi ni Kali. Agad namang nagsulat si Akira at ipinakita ito sa bagong kaibigan. “Ang pangit mo magsulat,” hindi naman dinamdam ng dalaga ang sinabi ni Kali, bagkus ay natawa pa nga siya dahil sa pagkunot ng noo nito.
Kinuha ng arkitekto ang paint marker upang siya na ang magsulat. “Okay. Ikaw na ang maganda ang penmanship.”
“Hangang-hanga ka na naman, Akira.”
Sabay na rin silang naglakad palabas ng village. Sa parehong lugar kung saan niya iniwan ang kanyang bisikleta rin naman kasi paparada ang pinsan ni Akira.
“Babalik ka ba ulit dito bukas?” hawak ni Kali ang ilan sa mga pinturang ginamit ng dalaga. “Nope. Aalis kasi ako mamaya eh. Sayang nga kasi ‘di ko matatapos ‘yung mural,” naintriga naman si Kali. “Ano ‘yan, Christmas vacation?”
“I wish. Kung ganoon nga hindi sana ako kinakabahan,” nilingon ni Kali si Akira. “New experience?” Tumango naman si Akira, “’Di takot ‘yang kaba mo. Excitement ‘yan.” Agad naman siyang hinampas ni Akira, “Ang dami mong alam.”
“Compliment ba ‘yan?”
“Oo? Kasi may sense kang kausap?”
“Bakit patanong ‘yang tono mo?” Inilingan na lamang siya ni Akira na nagpipigil ng kanyang ngiti. “Medyo masakit ‘yon. Parang ‘di ka sure,” arte pa ni Kali na kunwari’y nadaplisan ng bala sa balikat na ikinatawa ni Akira.
Sumilong sila sa ilalim ng puno ng mangga, sa tabi nito nakahilera ang mga bike racks. Ibinaba nila pareho ang bitbit nilang mga gamit. “’Di ka pa ba aalis? Traffic na mamaya, sakop na naman ang lane n’yo.”
“Okay lang, hintayin ko muna kayo makaalis.” Nagkibit-balikat na lang si Akira. Hindi siya ang tipo ng taong mapilit, lalo namang ayaw niya ang pakikipagtalo. “Ano nga pala ‘yung pagkakaabalahan mo?”
Natuwa naman si Akira sa tanong ni Kali, “Mag-aaral ako ng bagong art medium!” Tanaw ni Kali sa mga mata ng dilag ang dagitab, dahilan para siya ay mapangiti. Ganitong mga uri ng tao ang nais niyang makasalamuha.
Kaya siguro siya tumatakbo ay para makatagpo ng ganitong mga nilalang. May matamis na ngiti sa labi, mga matang giliw ang ipinahahayag. Free soul, kung tawagin ng iba. Ngunit para kay Kali, si Akira ang depinisyon
Comments