Kakatapos lang ng klase ng anak ni Winter na kasalukuyang nasa kinder pa lamang. Napagpasyahan ng mag-ina na pumunta ng mall para mag ice cream date. 

“Mommy, I want to be with Ma.” Nag fake frown naman siya dahil sa sinabi ng bata pero agad din itong nawala dahil natawa siya sa chocolate ice cream na tumulo sa gilid ng bibig nito.

Inabot niya ito para punasan at nung makasiguradong malinis na ang bibig nito ay nagsalita na rin siya.

“Why? Hindi ka ba happy kay Mommy?” Pabirong hamon niya with matching taas kilay pa. Walang muang ang bata kaya sinagot siya nito nonchalantly. 

“I’m happy po. I just miss Mama.” Dumila ito sa ice cream na akala mo’y hindi nakakalungkot ang sinabi. Medyo natetense na rin si Winter sa pagbanggit ng anak sa other mom nito. 

“I bet she misses you too, Baby. Magkakasama naman kayo ulit sa weekends. Okay?” Pag comfort niya sa bata. But she didn’t expect ang sagot nito.

“No, Mommy. Bakit hindi na natin kasama si Mama sa house?” Na-caught off guard si Winter sa tanong kaya nag bukas sarado lang ang bibig niya. “Why isn’t she with us? I miss when Mama and Mommy sing me to sleep.” This time, maluha luha na ang bata. Nag panic si Winter kaya nilapitan niya ito sa kinauupuan. Lumuhod siya sa harap ng bata. 

Hinawakan niya ang dalawang kamay ng batang babae, soothing it. 

“Avery, Anak, listen to Mommy.” Tumango ito and she gave the kid a warm smile.

“Mama and I understand what you feel. Kailangan lang namin ni Mama mag-usap. Alright?” Mukha naman naging hopeful ang mukha nito tsaka ngumiti. Tumayo siya para yakapin ito. 

Hindi masisisi ni Winter ang Anak sa paghahanap nito sa ex-wife niya. Whatever happened between them, sa kanila lang yon. Natural lang na hanapin nito ang isang Nanay niya. 

Kahit pa na may scheduling sila sa bata, iba pa rin ang pakiramdam na magkasama ang mga magulang sa iisang bahay. 

Anim na taon na si Konstance Avery K. Yu. At siyam na buwan na silang divorce ng ex-wife niyang si Karina. Patagal ng patagal ay mas lalong dumadami ang katanungan ng bata. 

They honestly don’t mind ang kaso lang, minsan ay wala na rin masagot si Winter. Hindi niya lang sure sa magaling niyang ex kung paano nasasagot ang bata pag nagtatanong ito ng kung ano ano. 

“Promise yan Mommy ah.” Umangat ang ulo ni Avery na nakapatong sa tiyan ng Mommy niya dahil sa pagkakayakap.

“Yes, Baby.” She answered truthfully. Both parents are civil, but hanggang ganon lang. Well, sa part ni Winter. Pero kaya niyang i-set aside ang personal feelings niya para sa kapakanan ng bata. 

“Promises are meant to keep.” Mahinang bulong ng anak niya pero narinig niya pa rin. 

Promises are meant to keep?

Akala niya rin. 

“It is.”

Mag gagabi na rin ng bumiyahe sila pauwi. Nag-ikot pa kasi sila sa mall at halos tumira na sila sa Toy Kingdom. Malapit lang naman ang condo na tinitirhan nila kaya hindi problema ang mahabang biyahe.

2-Storey condo ito. May kusina, living room, guest room at common bathroom sa baba. May Master bedroom naman sa taas at ang kwarto ni Avery. 

Nung hindi pa sila naghihiwalay ni Karina ay nakatira sila sa bahay. Due to some circumstances, Winter decided na lumipat silang mag ina. Of course, ayaw ni Karina. Nagsabi pa ito na hindi nila kailangan umalis at siya na lang ang aalis.

Pero ano naman?

Winter can decide whatever the hell she wants.

May memories siyang dapat i-let go. That house witnessed all their joyful moments mula sa wedding, honeymoon phase, having a kid, at pati na rin ang paghihiwalay nila. 

They used to be a lovely couple and it hurts Winter every time she thinks about it. 

“Cams paki-ayusan na lang si Avery. Nag dinner na yan, pwede na matulog.” Bilin niya sa tagapag alaga ni Avery. Pagod din kasi siya dahil galing siyang trabaho bago niya sinundo ang Anak kanina. 

Hindi naman siya immune sa pagod, kailangan talaga niya ng helper or babysitter. 

“Ako na bahala, Ate Winter. Pahinga ka na po.” Nginitian niya lang ito as response. Malaking tulong si Camille sa kanya. Anak ito ng dati niyang tagapag alaga mula sanggol pa lang siya kaya kahit papaano tiwala na rin siya dito. Kasalukuyan itong nasa college at siya ang nagpapaaral dito. Ultimo allowance at accomodation ay siya na rin ang sumagot mula nung kinuha niya ito 8 months ago.