Alas-dos na ng umaga, katatapos lang mag-noche buena ng mga Francisco. Saglit na pinababa ng matatanda si Kali upang saluhan silang magkape, at para na rin pasalamatan sa paghahatid nito kay Akira.

Ipinakilala na rin sa kanya ni Akira ang pamangkin nitong si Aj. Nakakuwentuhan niya pa panandalian si Rianne Laxamana, isang sikat na litratista sa bansa.

Nasupladahan pa nga siya nito bago makaupo sa beranda ng lumang bahay, “Oh. Ikaw pala si 6.3 kilometers,” taas kilay na bati sa kanya ni Rianne habang natatawa itong bineso ni Akira.

“Baka masindak mo ‘yung tuta,” kapit ni Akira sa braso ni Rianne. “Kali, si Rianne, bestfriend ko.”

Nang makaupo ay agad na kumandong kay Kali si Aj, “Bakit 6.3 kilometers?” tanong ng litratista. Nilapag ni Akira ang tasa ng dalawa sa mesa bago sagutin si Rianne, “6.3 kilometers ang kahabaan ng Kalayaan Avenue.”

“So? Tsaka bakit ba ikaw ang sumasagot?” makahulugan ang tingin nito kay Akira.

Natawa na rin dito si Kali, “Oo nga, Akira, Kali na ba pangalan mo?” Sinamaan lang sila ng tingin ni Akira bago iwan saglit upang maipagbalot na ng maiuuwing pagkain si Kali.

“Anyway, Kalayaan kasi ang pangalan ko. Kalayaan Lopez.”

Nagkasundo naman agad ang dalawa. Ginawa pa nga nilang hukom si Aj habang nagpapayabangan ng mga litrato ni Akira na sila ang kumuha.

“Ito sa Pisay,” iniabot ni Rianne kay Kali ang phone na sabay nilang tiningnan ni Aj. “Alam mo bang hindi lang sa arts magaling si Aki?”

“Ubusin mo raw ‘yan sabi ni Lola. Siya ang nagprepare ng lahat n’yan,” turo ni Akira sa Lola niyang nakangiti kay Kali. Kinawayan naman ito ng arkitekto bilang pasasalamat. “Ano na namang kinukuwento mo?” baling ng pintor kay Rianne bago inilapag sa harap ni Kali ang mga tupperware.

Pasagot na sana si Rianne nang magsalita si Aj, “They were having a contest, tita Aki! Nagbabatuhan sila ng photos mo na sila ang nagtake,” natawa ang tatlong dilag sa prangkang sagot ng bata.

“Sinong nanalo, Aj?” Binuhat ni Akira ang pamangkin upang ilipat sa kanlungan ni Rianne.

“None. Mas marami pa akong pretty pictures mo sa phone ni Lolo eh!”

“Merry Christmas, ate Kali!” halik ni Aj sa kanyang pisngi.

Hinatid ni Akira si Kali sa sasakyan pagkatapos nitong magpaalam sa mga Francisco at kay Rianne. “Ingat. Merry pasko to you,” natawa naman ang dalawa sa pagbati ni Akira. “Thank you ulit sa libreng sakay pauwi,” sandal ni Akira sa pinto ng sasakyan nang makasakay na si Kali. Ngumiti ang arkitekto sa kanya, “Salamat sa kape at libreng kuwentuhan, tsaka sa pabaong pagkain na rin.”

“Merry pasko to you too, I guess?” Isinara na ni Akira ang pinto, at nagmaneho na pa-Pampanga si Kali. Nandoon kasi ang pamilya niya, pati na rin ang kina Luis at Luke.

Sa pagbagsak niya sa kama’y nakatanggap siya ng mensahe mula kay Rianne.

Isang linggo na rin ang nakalipas noong ihatid ni Kali si Akira sa lum