Chapter 3

“Oh gising pa pala kayo.” nakita kong nasa sala sina Lisa at Joy.

“Friday ngayon eh. Netflix and chill.” sagot ni Joy na lumalamon ng chips.

“Seul samin ba yan?” nakita ni Lisa yung dala kong tinapay

“Pinabili ni Stal to!” saka ako naglakad papunta ng room namin.

“Wala naman si Stal ah, masisira lang yan ipakain mo na samin.” sigaw ni Joy kaya napatigil ako at tinignan siya.

“Bakit nasan si Stal?”

“Umuwi sakanila. Pati si Wendy. Kala ko tinext ka ni Stal.” sagot ni Joy na hindi nakatingin sakin at nakafocus lang sa pinapanuod.

“Oh sa inyo na.” sabay hagis sa harap nila ng mga tinapay.

“Muntanga to huwag mong hinahagis ang pagkain!” hinayaan ko lang sumigaw si Lisa at dumiretso na sa kwarto.

Nagpalit ako ng damit at agad tinext si Krystal.

Seulgi : Stal umuwi k dw?

Seulgi : kla ko s sept. pa uwi mo? Sino magpapakain skin bukas? huhu

Krystal : ang OA mo

Seulgi : bt gising kpa?

Krystal : bt gising kpa?

Seulgi : Stal naman eh

Seulgi : seryoso, may emergency ba s inyo?

Krystal : wla naisipan ko lang umuwi

Seulgi : binilhan pa nman kita ng fav. mo :(

Krystal : bigay mo nlng kina Joy

Seulgi : bayaran mo un!

Krystal : sige

Seulgi : may problema b Stal?

Krystal : wla nga Seul. matulog ka na.

Seulgi : ikaw din oras na.

Seulgi : Good nyt Stal :-*

Krystal : gud nyt

Maya maya pa ay nagtext na si Irene na nasa bahay na siya. Nagtext pa kami ng mga ilang minuto bago kami nagpaalam para matulog.

---

Nakahiga ako sofa, ung ulo nasa lap ni Krystal habang nanonood ng movie sa sala. Si Lisa nakaupo sa sahig at nakasandal sa sofa. Hinihintay namin matapos magluto si Wendy para kumain ng dinner ng biglang pumasok si Joy at dire diretso lang sa kwarto nila.

Nagkatingin kaming apat. Maliit lang kasi ang apartment kaya kita din ang kitchen sa sala.

“Umiiyak yata si Joy.” pag aalalang sabi ni Krystal.

“Huy Lisa puntahan mo nga yun itanong mo kung napano.” napaupo ako at sinabihan si Lisa since nasa loob naman nila ng kwarto si Joy.

Agad naman tumayo si Lisa at nagpunta sa kwarto nila. Hindi kami umiimik ni Krystal at nakatingin lang sa pintuan nila na parang may hinihintay na mangyayari.

“Luto na to.” Maya mayang sabi ni Wendy. “Try ko sila tawagin.”

Kumatok muna bago pumasok si Wendy sa loob ng kwarto nina Joy. Paglabas niya, kasama niya na sina Joy at Lisa. Namumula pa din ang mga mata ni Joy.

“Iinom ba tayo?” pa joke kong tanong kay Joy habang kumakain.

“Gago may pasok bukas.” babatukan sana ako ni Wendy pero umilag ako.

Napatawa naman ng konti si Joy. “Mga baliw ok lang ako, diko kailangan ng alak.”

“Pero seryoso Joy ano bang nangyari? Wag mo sarilinin, wag mo gayahin yang si Lisa.” seryosang sabi ni Krystal.

“Nanahimik ako dito ah!” angal naman ni Lisa pero nakatanggap siya ng matinding eye roll ni Krystal.

“Ok lang ako guys. More on naiinis lang ako. Nag away lang naman kami eh.”

“Huwag mong minamaliit ang away Joy, kahit gano kaliit yan pwede lumaki pag di napaguusapan ng maayos.” mahinahon na sabi ni Wendy.

“Hindi ko na din alam kasi. Parang nasasanay na ko na lagi kaming nag aaway. Minsan nga mas gusto ko pang hindi nalang kami magkita para hindi nalang kami mag away.” matigas ang pagkakasabi ni Joy pero makikita pa rin sa mata niya na naluluha siya.

Nakita kong hinihimas ni Lisa ang likod ni Joy.

“Pag-usapan niyo muna yung mga problema niyo, ok? Huwag mong hahayaang magtagal pa na ganyan.” Sa grupo talaga, si Wendy lang ang pag-asa namin na makapagbibigay ng magagandang advice.

“Basta nandito lang kami Joy. Ayaw namin na nakikita k