naalimpungatan ang plastado nang si sana nang biglang maalog siya dahil sa nadaanang lubak ng sasakyan. nagising bigla ang diwa niya nang mapagtanto niya na nakahiga siya sa upuan ng sasakyan at nakaulo sa isang malambot na bagay na alam niyang hindi unan. hindi muna siya dumilat dahil bigla siyang natakot. wala kasi siyang naaalala sa kung pa'no siya napadpad sa kinalalagyan niya. pinakiramdaman niya muna ang paligid. tahimik lang ang sasakyan bukod sa malumanay na tugtugin sa radyo. nakatulong ito para unti-unti siyang kumalma. nakiramdam siyang muli at nahulaang hita ng tao ang sinasandalan ng batok niya. sa wakas, sinubukan na niyang dumilat at ang maamong mukha ng isang tulog rin na babae ang bumungad sa kanya.   gawa ng pagiging plastado niya, nagpasya siyang ipagpamamaya na lang ang panlalaban. "gandang kidnapper naman nito..." puna ni sana, bago pumikit at natulog ulit.