"Bakit ka nagtatago doon sa likod ng ref kanina?"

"Hoy shh!"

Mabilis pa sa alas kwatrong tinakpan ni Ningning yung bibig ni Giselle.

Tinanggal lang niya ito nang mapansin niyang para nang naghihingalo 'tong isa.

"Ang baho ng kamay mo!" ani nito pagkaalis ng kamay niya sa bibig.

Palabas yung paghinga ni Giselle na para bang ayaw niyang ipasok sa katawan niya yung hangin na nasisinghot niya. Inamoy rin naman ni Ningning yung kamay niya para malaman kung saan pinaghugutan ni Giselle ang sinabi niya.

Tama nga siya.

Nahihiyang ngumiti si Ningning pagkaamoy niya. "Ay sorry kakatae ko lang kasi."

Masyado kasing napasarap yung pagkain ni Ningning kanina kaya hindi na niya napigilang ilabas yung ibang excess na nasa tyan niya pagkatapos nilang kumain. 

Pero hindi naman niya nakalimutang mag-alcohol pagkatapos niyang maghugas. OA lang talaga itong kaibigan niya. Hindi naman mabaho yung kamay niya.

Siguro meron lang kaunting natira. 

Mag-aalcohol na lang ulit siya mamaya.

Inirapan siya ni Giselle.

"So bakit nga nandon ka?"

“Sige lakasan mo pa.”

Ang ingay naman kasi ni Giselle kanina. Gusto lang naman ni Ningning na tulungan siya nitong magtago pero may pagkasabaw ata ang utak nitong kaibigan niya dahil hindi nito agad naintindihan ang mga sinesenyas ni Ningning.

Nakabalik na sila ngayon sa mga kwarto nila. Buti na nga lang at nagawan agad ng paraan ni Ningning kanina yung tanong sa kanya ni Karina.

“Hindi kasi nakasaksak yung ref kaya sinasaksak ko lang.”

Kung ano-ano na lang ang lumalabas sa bibig niya. 

Tanga, hindi naman namin tinatanggal sa saksakan yung ref eh.

Siguro isinalba lang talaga siya ng langit ng mga panahon na yon dahil pati si Karina ay hindi rin napansin yung katangahan niya. Tumango na lang ito at bumalik na sa kusina pero itong si Giselle ay naiwan at mataman pa ring nakatitig sa kanya. Hindi pa ata siya kuntento sa narinig niyang sagot.

Ka