four
stop, listen, and look (at me)Walang klase dahil weekends.
Isa na yon sa dahilan kaya late na rin gumising si Ningning. Pinagpuyatan pa niya kasi panoorin yung latest episode ng inaabangan niyang k-drama. Hindi pwedeng hindi niya agad ito mapanood.
Tulog pa si Giselle nang bumangon si Ningning mula sa kabilang kama.
Puyat rin kasi ito katulad niya. Sinamahan rin kasi siya ni Giselle na manood kagabi. Hindi na itatanggi ni Ningning. May pagka-sweet rin naman kasi si Giselle minsan.
Hindi na si Ningning nag-abalang mag-ayos ng sarili nang tumayo siya para lumabas. Sila-sila lang naman kasi ang tao rito at wala rin naman silang inaasahang bisita ngayong araw kaya ayos lang kay Ningning kahit muta-muta pa siya.
Nabuksan na niya ang pintuan at papikit-pikit pa siya habang nag-uunat nang may maaninag siya sa kusina.
Lagi naman kasing nauunang gumising sa kanila si Winter dahil siya ang main cook nila. Ang ambag lang siguro ni Ningning sa kusina ay moral support. Dahil siya naman ang pinakabata sa kanila, pinapaubaya na niya sa mga kaibigan niya ang kusina.
Siya? Syempre taga-lamon lang. Hindi rin naman siya matatanggihan ng mga kaibigan niya dahil siya ang may pinakamaraming ambag sa mga stock ng pagkain dito.
Naaamoy na agad ni Ningning yung mabangong amoy ng ginigisang bawang ni Winter.
Ano kayang ulam nila ngayong araw?
"Wi—"
Unang buka palang ng bibig ni Ningning, bigla na niya itong isinara nang may lumabas pang isang tao sa kusina.
Si Karina.
Naupo si Karina sa stool malapit kay Winter habang pinapanood itong magluto.
Nag-uusap sila pero hindi naririnig ni Ningning ang pinag-uusapan nila dahil medyo malayo siya sa kanila. Baka kasi mapansin nilang may nanonood sa kanila kapag lumapit pa si Ningning.
Pero hindi naman siguro siya mahuhuli kung lalapit siya ng onti hindi ba?
Buti na lang may ref malapit sa
Comments