Matapos ang kahaba-habang kwento ni Sir Sunghoon tungkol sa journey niya maging black belt, pinatayo niya na kami at pinaghanda para sa training. Well, of course without asking us to bow to each other as a sign of respect.

Ika niya nga “Once you bow to someone, that means you respect them and will never pick up a fight with them outside the club.” Ha! Hindi niya alam na hindi ako nag-bow kay Leeseo. Chos! Wala naman akong balak bugbugin ang pinsan ko sa bahay, kahit gaano pa ito kaarte.

Pero akalain mo yun? In a span of 9 months, nagawa ni Sir maging black belt. He started off late daw, tinuro niya pa nga ako na kasing tangkad at tanda ko raw siya noong nagsimula siya. Tapos he expects highly daw sa akin kasi mukhang fit daw ako maging martial artist.

Grabe naman?! Nasa mukha ba yon? Pagmaganda fit na agad? Charing gets ko naman siya.

Marami na rin kasing nagscout sakin sa female basketball team, pati na rin sa baseball team. Bagay daw kasi ako maging captain with proper training pero of course tinurn down ko kasi wala naman akong interest. Until now nga considering pa rin ako kung itutuloy ko tong martial arts.

Siguro hintayin ko nalang magkaroon ng close friends si Seo? Panigurado naman na hahayaan siya ni Tita magtuloy kahit wala ako basta may mapagbibilinan siya sa pinsan ko. 

But anyways, ang focus ko ngayon ay kung paano ako makakasurvive sa first day of training ko. Sana naman hindi ako himatayin.

Btw, nahihiya pa rin ako na kami lang ni Seo ang walang suot na belt, lahat sila yellow pataas na. Kahit yung mga 5 years old kanina nakayellow, aaaa Nay gusto ko na agad magquit!

Wala pang limang minuto ay sumigaw na si Sir “In a count of 5, make 6 rows now!” Ha? Anong count? 

“5..., 4...” Dali dali namang nagsitakbuhan yung mga kaclub namin at nag arm-sidewards habang bumubuo ng anim na rows. “Hoy, Yujin! Dalian mo dito!” sigaw ni Liz. Wow parang close lang kami. 

Hindi rin naman ako agad nakasunod kasi hinanap pa ng mata ko si Seo, nasa pangalawang row na pala siya katabi yung Rei—

“2.., 1. Times up! Lahat ng wala sa linya, DOWN! GIVE ME 20 PUSH UPS”

Puta. 

Ngalay na ngalay akong pumunta sa pinaka dulong row nang matapos ko ang benteng push ups. Mga walang awa sa baguhan! 

Hindi naman ako nainform na sobrang strict pala dito. Tsk tsk

Simangot naman akong tumingin pabalik kay Seo na kanina pa ako simpleng tinatawanan habang pinapanuod akong mamatay-matay magpush ups. Si Liz naman ay palihim akong kinalabit na para bang humihingi ng tawad. Nginitian ko lang siya. Ako rin naman ang mabagal na makapick up ng mga senyas niya kanina. 

Maya maya pa ay nagsimula na ang training. 

“Front row, start. Stretching muna. Toe touch, 8 counts afterwards take 2 steps forward then repeat. Yung nasa likod after magtake ng 2 steps forward yung nasa harapan niyong row, toe touch na rin kayo hanggang ang lahat ay makarating sa duo ng court. Understood?” malakas na “Sir yes Sir!” naman ang narinig ko pagkatapos magpaliwanag ni Sir Sunghoon. Madali lang pala eh.

False alarm. Hindi ko pala abot ang paa ko puta. Wala na bang mas ikakapahiya pa ako ngayong araw? 

Hiyang hiya akong napakamot ng ulo nang lapitan ako ni ate ganda— I mean ni Madam Wonyoung. Madam daw kasi ang tawag sa mga babaeng black belter to respect their seniority.

“Huwag mo ipilit kung hindi pa kaya. Take it easy muna since beginner ka pa lang naman” Pabulong na sabi niya at hinawakan ang dalawang tuhod ko upang ipagdikit. 

“Keep your knees straight while reaching your toes. That's the proper way to do it.” Napunta naman ang kanang kamay niya sa may waist ko habang gina-guide ako pababa para maabot ko ang mga paa ko. Ramdam na ramdam ko ang hininga niya sa may bandang likod ng tenga ko. 

Grabe, kailangan sobrang lapit at soft ng paghawak?! Parang bibigay mga tuhod ko any time kung hindi siya lalayo—

Tumango nalang ako at sinabing gets ko na. Inalis niya ang hawak sa bewang ko at tumayo na sa gilid ko para magcontinue ng stretching exercise niya. 

Teka ba't bumitaw sabi ko lang naman gets ko na?!

Sising-sisi naman akong nagpatuloy nalang, pero syempre di ko rin masyadong pinahalata na gusto kong gina-guide niya ako noh! Ganda ko kaya!

Natapos na ang ilang round ng stretching at nakabalik na ulit kami sa dulo ng court. Puro toe touch, knee to chest, shoulder stretch, at side bend palang ang pinagawa namin. Easy easy lang pala nito hindi manlang ako pinagpawisan wews.

Sinulyapan ko ang katabi ko. She ran her fingers across her hair habang seryosong seryosong nakatingin sa harapan. Nakaramdam ako ng pag-ikot sa tyan ko. Shet ano ba ito. Natatae ba ako?

Para akong nasusuka na hindi maintindihan. Ang bilis rin ng tibok ng puso ko kahit hindi naman ako napagod sa stretching kanina. Mas lumala pa nang napansin ko na nakatingin na rin pala siya sa akin. Dali dali naman akong nagbaling ng tingin. 

Ano ba tong nararamdaman ko?

Baka pwede kong idahilan to kay Nanay para patigilin ako sa taekwondo. Baka hindi kaya ng stamina ko kaya ganito. 

Oo. 

Tama yun siguro yon.

Naputol ang pag-iisip ko ng mga dahilan nung magsalita muli si Sir, “Tapos na ba? 2 times left-right 45° kick naman tayo tapos blue pataas, jumping back kick after, okay? Sa mga green pababa, wag niyo na gawin yung pangatlo. Hanggang makarating ulit dun sa dulo ng court. Balik ulit kayo sa likod ng pila para makabuo tayo ng 3 sets. Move!” 

Pinanuod ko naman yung nga blue belt sa harapan na gawin yung 45° kick. 

Sipa lang pala siya na hanggang bewang lang. Parang 4 times nga lang kasi left-right-left-right siya para macomplete yung 2 sets. Ang mas astig pa ay simisigaw sila ng 'Se' sa bawat sipa nila. Bigla tuloy umingay sa court.

Nagmove na ang front row pagkatapos nilang tumalon at sumipa patalikod. Oh wow. Ang galing parang sasalimpad ka talaga kapag