Tagal na rin pala kaming nag-uusap ni Yuji. As in no dull moment talaga. Unti-unti akong nasasanay sa presence nya kasi paano ba naman, naging habit na ata naming mag-update ng mga kaganapan sa buhay ng isa't isa. Nung una kung anu-ano na lang pinag-uusapan namin kasi nga mundane ang life during the start of lockdown. Puro pangtra-trash talk lang sa gobyerno pinag-uusapan namin. Isa rin yan actually sa mga nagustuhan ko sa kaniya. Kahit na she live a privileged life, she was never indifferent sa mga social issues and she's very vocal towards her hatred sa wrongdoings ng current government. 

Nadagdagan pa lalo ang usapan namin nung nagstart na nga ang school year. Akala ko nga nung una tatamarin lang akong mag-aral kasi sa normal classroom setup nga natutulog ako eh, what more pag online diba. But no. Yuji always remind to me listen attentively. Tapos naalala ko pa nung tinanong ko yung ideal type nya then sabi nya "gusto ko yung academic achiever and street smart", edi ako naman bilang the great pretender, nagsearch pa ko sa google kung paano ba yang street smart kineme nya. Paano naman ako magiging street smart eh bawal nga kong lumabas ng bahay kasi wala akong quarantine pass. Ewan ko ba sa babaeng 'to. 

Maski sila Ning and Ryujin nagtataka kung ba't daw panay ang story ko ng aesthetic study setup ko sa bahay eh tamad nga kong mag-aral. Baka akala nyo puro lang ako tulog sa school, hindi ah. Nag-eexcel din naman kaming tatlo academically and pati sa extra curricular. Clout chaser lang ako. Para tuloy naririnig ko mga hanash ni Ning about sakin every time tatanungin ako ng classmates namin if nakareview na daw ba ko tapos sasagot ako ng "may quiz ba?". Si Ning na pinanganak ata para kontrahin ang mga trip ko sa buhay ang sasagot saying, "wag na kayong maniwala dyan sa scammer na yan. di daw nakareview pero sya mamaya ang highest". 

Siguro mas ginanahan lang akong mag-aral ngayon kasi gusto kong magpa-impress kay Yuji. Tagal na nga naming nag-uusap pero wala man lang talagang hint ng landi 'tong babaeng 'to. Parang suddenly gusto ko na lang sumapi ang espirito ng attachment issues ni Minju sa kanya. Napapaisip tuloy ako kung hindi ba ako crushable sa paningin ni Yuji pero parang tanga lang kasi ba't ko naman iisipin yan eh 'di ko naman sya crush. 

So ayun nga, bilang grade conscious si Ateng Yuji, napilitan tuloy akong gumawa ng discord account para daw sa study session naming dalawa. Tinanong ko nga kung pwede ko bang isama irls ko pero next time na lang daw siguro kasi gusto nya daw kaming dalawa lang hehez. Kilig naman si ako. Hindi ko nga alam kung paano nagwowork itong discord kaya tinanong ko na lang sila ni Ryujin kasi dito daw nila madalas dalhin mga nakalandian nila sa stan twitter. Bigla naman silang nacurious kung ba't bigla akong nagdownload ng discord. Ang sabi ko na lang ay, "ang cute kasi ng logo eh, parang ulo ni Ning". Kung siguro malapit lang si Ning sakin, baka nabutas na bungo ko sa kaltok nya. 

Nang makagawa na ko ng account, nag-exchange na kami ni Yuji and she instructed me what to do. Dito na rin kami madalas mag-usap kasi mas convenient daw. Sus, ang sabihin nya lang convenient for her kasi 'di naman makikita if naseen na ba yung message mo or hindi pa. 

Tinatapos ko talaga after class ang assignments ko para lang free na kong makipagchikahan sa frennywaps ko.

Ang slowburn friendship namin ng internet friend ko ay nauwi sa pagiging study buddies. In fairness, sobrang talino nga talaga nya. Ang attractive lang lalo nung narinig ko for the first time ang boses nya. 

One time, may study session kami after dinner, and by study session, I mean sabay lang kaming magstudy while listening sa chill playlist nya. Since tapos naman na yung personal alloted time ko for my acads, hindi na rin ako makapag concentrate. Parang gusto ko syang makausap sa call hehe. Di ba weird yon na after how many months of chatting, we never heard each other's voice? 

I cleared my throat and readied myself. This is it. 

"Uhm, Yuji? Nasa Coulomb's Law na ba kayo sa physics?", I finally muttered.

Shet ba't ang tagal nyang magreply? Pangit ba boses ko? Masyado bang matinis? Iniisip ko if pumiyok ba ko or what. Baka naturn off sya sa boses ko at ighost na ako buk—

"Hello, Snow. Is my audio clear?" 

Tangina. 

Lord, hindi naman po ako prepared. 

Parang mas gusto ko na tuloy na hindi sya nagsalita at ighost na lang ako kinabukasan. Okay, medyo oa ako pero I think nothing could prepare me for that. Ang attractive lang lalo ng boses nya. Weird ba if naaattract ako sa boses? 

"Ahh, yeah. Okay naman.", sagot ko. Ang pabebe ko ata shuta.

"Yes, nasa Coulomb's na rin kami now. Need mo ba ng help?", omg manong stop the car. Hindi ko kinakaya ang boses nya. 

"Ahm, ano, oo sana. Mahina kasi internet namin kanina kaya di ko nagets yung lesson.", Lies. Tapos na kami sa lesson na yan at nagets ko sya. Tinuruan ko pa nga yung dalawa pero pake mo ba. Ito ang way ko ng pagiging papansin.