“Uy san kayo magbabakasyon? Magtatapos na ang semester. Musta mga grado nyo?” Tanong ni Wheein habang kumakain ng kanyang paboritong cinnamon bread.

Desyembre na, huling buwan para sa unang semester ngayong taon. At isang lingo nalang at magtatapos na ang aming mga klase. Tatlong major subjects nalang ang kailangan naming maipasa ni Wheein sa susunod na linggo. 

Sina Wendy mukhang may apat pa na kailangan maipasa lalo na’t pabigat yung isang major subject nila dahil sa professor nitong palaging wala dahil sa mga seminar na dinadayo nito. Baka maextend sila kung busy parin yung prof na ‘yon.

Kaming apat ay kasalukoyang nakaupo dito sa cafeteria. Kakatapos lang naming kumain ng pananghalian pero si Wheein parang di pa nabusog. Himala din na di nila kasama mga syota nila. 

“Dalawa nalang ang kailangan naming ipasa ni Wendy, sabay ang dalawang subject kanina. Parang pumutok ang utak ko kanina.” 

Natawa naman kami sa sinabi ni Seulgi. “Buti nga eh dalawa nalang kami ni Byul tatlo pa.”

“Pero san kayo during break?” Dagdag ni Wheein.

“Baka sa probinsya kami ngayon. Sama si Seulgi.” Sagot ko.

“Hala tama din pala, lapit na birthday mo Byul. Pakain ka naman oh before kayo alis.” Sabi ni Wendy na nakangisi sabay baba sa telepono nya, paniguradong kakatapos nya lang magtext kay Joy.

“Sa pagbalik nalang, mangangaroling pa ako para may mapakain ako sa inyo.” Pabiro kong sagot.

Natawa naman ang tatlo ng biglang dumating sina Joy at Hyejin. Pambihira, mga gulong nanaman kami ni Seulgi