Wala Nang Kumakatok
SilidNakatalukbong lang ako ng kumot pero kanina pa ako gising. Hinihintay ko na buhatin din ako ni Nanay.
“Yuri-baby, gising na. Kailangan nang maligo ng first honor.”, paglalambing ni Nanay sa ate ko. Grumaduate kasi siya ng kinder as first honor kaya ipinaghanda siya ni Nanay. “Hun, gisingin mo na rin si Sugi, paliliguan ko lang si Yuri.”
“Sugi, anak.”, pagtawag ni Tatay. “Gising na, kailangan mo nang maligo.
Nagkunwari akong bagong gising. “Good morning po, Tatay.”
“Good morning!”, masayang bati niya sa akin. “How old are you na?”
“Five!”
“Very good!”, binuhat niya ako. “Happy birthday, anak. Lakad na, maligo ka na.” Hinatid niya ako sa pinto ng cr at nagderetso siya sa kusina. Nagluluto pala siya.
Nakaupo lang ako habang naghihintay na matapos paliguan si Yuri.
Agad akong tumayo nang makalabas sila sa cr.
“Good morning po, Nanay.”
“Good morning, Sugi. Lakad na sa cr.”
Naririnig ko dito sa loob ng cr ang mga tawa ni Yuri, baka kinikiliti na naman siya ni Nanay. Umupo lang ako habang hinihintay na may magpaligo sa akin.
Dumaan si Nanay kaya lumiwanag ang muka ko at napangiti.
“Oh, Sugi? Bakit hindi ka pa nags-start?”, tanong niya. “Open mo na yung shower tapos mag sabon at shampoo ka na.”
“Opo.”, halos walang tunog na sagot ko sabay tuntong sa maliit na upuan para mabuksan ang shower.
Siguro big girl na ako kaya hindi na ako pinapaliguan. Si Yuri kasi baby pa daw.
Magsisimula na ang program sa tapat ng bahay namin. Nagkalat ang mga bata at mga nakabantay nilang mga magulang sa paligid.
Mas malaki ang tarpaulin ni Yuri kaysa sa akin. Siguro dahil siya ang ate.
Wala akong masyadong makitang kaklase ko. Sa pagkakaalam ko, may kaibigan naman ako duon kahit mga tatlo? Bakit wala sila dito?
Nakarinig ako ng iyakan ng mga bata kaya muli akong napatingin sa paligid. Nakaramdam ako ng kaba dahil sa dalawang clown na dumating, papalapit kasi sila sa’kin.
Hindi ko na napigilang mapaiyak nang hawakan nila ako. Pumikit ako at nagtakip ng tenga. May sinasabi sila pero hindi ko na maintindih
Comments