Sehun : Daba ach ghadirou ?!!

Hala : Chti fin jebtina ?!

Sehun : Daba ghir sekti !

Hala : Wila khrej lina chi dib daba ?!! :O

Sehun : Matkhafich ana m3ak , Ana rani makankhaf men walo- AHHHHHHH SME3TI CHI 7AJA YAK ?!!

Hala : Awedi awedi galik Rajel , 9nia khayf menha . Pouti pouti , Hak hezha ila bghiti .

Sehun : AHHHH , GHADI T3EDNI !

Hala : Walah i3tina wejhek , Ghir goul lia daba gedek ged l7etrouf ou khayf men 9niya !! Tfou 3la demdouma !!

Sehun : Wa la , m-machi hakak .. Rah 3edatni mnin kent sghir ..

Hala : Wa daba aji n9elbou 3la fin nbatou !

Sehun : Fin bghitina nbatou ?! Kenna m3ewlin nbatou f tonobil ou nti tenssay swarét fiha ! Bel7e9 , ha belati 3lik , une fois nrej3ou l Seoul - Ila b9ina 7iyin - Ghan werri l mouk mezyaaaaaaaaaaan !

Hala : Skout skout rah makatkhle3nich !

Sehun : Wa ghir belati ..

Hala : Oh , CHOUF CHOUF CHOUF WA7ED LBERAKA LFOU9 ! CHETIHA ?

Sehun : FIN FIN ???

Hala : LHIH LHIH CHETIHA ?! :D

Sehun : Wa mamaaaaaaaa !!!

Hala : Yalah jrri jrri ndekhlou fiha maroubama ikoun fiha chi wa7ed !

Sehun : Chkoun li gal lik machi 3emmi lghoul hadak ?

Hala : Kayn chi ghoul geddek , zid zid bla bssalat .

 

Mchina de9ina f bab dik lberaka , walakin tawa7ed makayjawb .. Kan lbab me7loul , dfe3tou ou ana tla9a ghir dess la frach la walou . 

 

B7al haka : http://www.youtube.com/watch?v=NwCSdQV3_LQ

 

Sehun : Ma3emer chi 7aja mezyana jat 3la dehrek !!

Hala : Mal bouk katcheret ! Be3da l9iti had dwiyra chkoun b7alek ?

Sehun : Dwiyra ?! Hadi dwiyra hadi ? 3ech sera9 zit ?!

Hala : Wa sir a sera9 zit l3echek ila mabaghich chta ti7 3lik !!

Sehun : Makayna ga3 chta !

Hala : Ghatsseb daba rah galouha f nachra l jawia dial 2M .

 

Kan lmout dial lberd , LKEZZ ! Wana li labssa lkesswa m9ezba , mazal ta mabedelt 7wayji mnin chte7t Shy boy !

 

Hala : Wa mama lberd !!!!

 

( Sehun's POV ) 

 

Fiha lberd ? N3tiha tjakiti ? La la , ghadi tss7ab rassha mez3out fiha ...

 

Hala : ATCHOUM

 

Ghay drebha lberd , wa bitali ghadi tmred wa minho maghadich dir l achghal dial slave dialha , Idan ghadi n3tiha tjakiti .

 

Sehun : Cheddi , Tkebti ila bagha tkebti !

 

( Hala's POV ) 

 

Mal hada derbou lah ? Wach kayhder men neytou ..

 

Hala : N3AM ?!

Sehun : Chedi !

Hala : Liya ana ?

Sehun : Yak guelti fik l berd wa haki ..

Hala : Walakin nta gh-

Sehun : Ghir cheddi rani labess trikou l te7t .

Hala : Ch-choukran .

 

Awel merra f 7yati kan chouf Sehun dreyef ! Lmawa9if sa3ba katkheli bnadem driyef ! Lbesst tjakitou ou hia tle3 wa7ed ri7a roujoulia ou zwina l nifi , Kayfir l cologne bel khanez lakhour ... ahum !

 

Sehun : Lmouhim , Ana ghadi n3ess , khassna gheda nfi9ou bekri bach n9elbou 3la li 3awnna .

Hala : Wakha , Tessbe7 3la khir .

Sehun : uhm ..

 

7awelt n3ess walakin ma9dertch , had lblassa katkhla3 ou lerd barda ou 9ass7a ... Ghir layster ou safi . WA LBEEEEEEEEEEERD 

 

*S9IIIIIIIIIL*

 

Ma9dertch n3ess , Tekit ou houa iderni jenbi limen tekit 3la jenbi lisser derni ta houa dert l dehri ou houa iderni .

 

Sehun : WACH GHADI TEZGAY MEN DOURAN RAH BGHIT N3ESS !

Hala : Warah makan n3essch bla manta .

Sehun : Ouuuuuff !!!

 

Nad Sehun men blasstou kheft , yakma ghadi iji ikhli dar bouya , tekka 7daya , Ma39elt 3la rassi ta l9itou m3ene9ni .... GLOUPS . Skhounya tl3at m3a ljissm diali , Nit kent me7tajaha chauffage bla dou hehe Walakin sber , lach m3ene9ni had khayna , Chedatou l7ala 3lia oula chnou ?!

 

Sehun : Bla matfekri douk l2afkar li kadour f dmaghek , Rani dayr hadchi bezez 7it makhelitinich n3ess b 9ewet l7araka !

Hala : Safi ghir tle9 menni maghadich nssed3ek mazal .

Sehun : Safi daba li 3ta lah 3tah , Ne3ssi ne3ssi ..

Hala : ...

 

Wakha hakak ch3ert b l2aman ou houa 7daya , Nssit lberaka li katkhle3 nssit dess lbared ou l9asse7 wana n3ess ......

 

Fe9t f sba7 , Kan Sehun ba9i m3ene9ni ... 7awelt , le plus discret possible noud ; Nedt bach ndreb dwirra f nawa7i , Ch7al hadi mamchit l ghaba . B9it kantmecha 7ta 3fet 3la wa7ed l blass rachia , Chwia wana nti7 BA9 f wa7ed l7efra .... Li 39elt houa melbe3d koulchi ban lia k7el .