( Hala's POV )

 

Sehun : Daba !!!

Hala : Chnou ? Wach nta mrid ?!! 

Sehun : Bentlik kantfela ? Douzi 9oudami yalah !

Hala : Tle9 menni aww ! 

Sehun : Bach t3elmi lmerra jaya diri fiya de7ka . Men nhar 3etebt had sekwila ou ta chi7ed ma3emrou d7ek oula gal chi 7aja khayba 3lia 7ta jiti nti ya wjeh l7abss !

Hala : Wjeh l7ebss houa dak 50 dhs li 7ettek !!

Sehun : 50 DHS ?!! 3refti ba chkoun oula ?!! Ba rah houa moul Marjane dial lblad koulha !!

Hala : 7egelni ma3zizch 3lia Marjane , goul bak houa moulah , Hakaaaak , Wa chefaaaar had bak !

Sehun : 3endek l7a9 , Chefar ou ma3endou gelb .

Hala : Ach guelti ?

Sehun : La walou ..

 

Mcha dani 9oudam lmedrassa ou houa idir i3lan lkoulchi talamid bach ijiw itferjou fia .

 

Sehun : MUSIC START !

Hala : La sber sber , Maghadich dirlia lia haka yak ? Ghir katfela yak ? Maghadich nechta7 yak ? yak yak yak yak yak ?

Sehun : Rah guelt lik makantfellach !

Hala : Walakin rani ma7afdach chet7a !

Sehun : Oh c'mon , koulchi kay3ref l le refrain dial Shy boy !! Diri ghir l refrain machi loughnya kamla !!

Hala : Walaki-

Sehun : Makayn la walakin , siri tchet7i !!

Sehun : Drari , bdaw . Yalah siri rah loughnya bdat .

 

CHAHI9 ZAFIR CHAHI9 ZAFIR Hala , keep your cool , diri ldak rass lk7el li bgha ou feddi m3ah . Wellahta t3essebt !! 

 

" You are my shy shy shy boy 

Oh oh oh ma boy "

 

B9it kanchte7 ou mkhenzra . Chwia wana n7ess chi 7aja derbatni f rassi ou nzel wa7ed sa2il 3la wejhi ; Achawa hadchi ?!

 

" WA RAKI 3EYANA " " REMBOURSER " " THAT AIN'T CUTE GURL " " DRARI WEJDOU MATICHA " 

 

MATICHA .... MATICHA ?!!!!! Hadchi li frassi maticha ?!!! But nevermind , Haters gonna hate .

Chwia ou hia tji lia 9er3a dial lma 3la 9el9oulti , à la bieberienne ! Safi tbou9elt wana nti7 lerd ; Chwia ou houa iji rass chambiniou Chanyeol ou 3awni noud dani l twalét khda papi jinik ( LOL ) ou houa itele3ni l ste7 . Chwia bda kaymsse7 lia lmaticha men wejhi , Mregt ou 7chemt ... DAMN U SEHUN !!!

 

( Sehun's POV )

 

Ahahahah , al2inti9am sayakoun 7arran !! Dert play l loughnya ou hia tebda techte7 , Pas mal ... Chwia ou houa ifeze3 3liha wa7ed maticha l rass . EH !!!

 

Sehun : Eh , wach waklinek idik ?!!

 

Chwia ou hia tji liha 9er3a dial lma lrass 3awed ou houa iban dak jeghermil dial Chanyeol , Malou ghir kayte7cha ki soussa !!

T3essebt ou hia tban lia wa7ed lberkassa , mchit nberred fiha bghdaydi drebt din mha ta feza3t bouha .

 

( Salma's POV )

 

Mchit l 9ehwa fin dar m3aya Kris ou b9it kan tsenna fih temak 

 

Kris : Sem7ilia t3etelt 3lik yak ?

Salma : La hania , yalah jit ana .

Kris : Salma , nji m3ak goud .

Salma : Lay seme3na khbar lkhir .

Kris : Kai ..

Salma : Malou , We93at lih chi 7aja ? :O

Kris : La walou ghir ..

Salma : Wa tle9na hdar .

Kris : Kat3erfini kanbghi ghir messla7tk yak ?

Salma : Iyeh iyeh ..

Kris : Daba ...

Salma : Ghatehder oula ghadi nemchi f7ali

Kris : Safi Safi , Salma .. Khasski tcassi m3a Kai f a9rab wa9t moumkin .

Salma : CHNOU ?!!!!! Ou 3lach bssalama ?!!

 

T3essbat , Nari .

 

Kris : Maymkench ngoulik 3lach , ghir diri hadchi li kangoulik !

Salma : Wach katehder men niytek ?! 

Kris : Ah , Ou lyouma ila kan moumkin !

Salma : Chouf ! Rani 3arfak makat7melch Kai oula 3emrou tesret lik , hadchi sket 3lih goult ze3ma sou9ek hadak ana mandekhelch , Walakin bach tewssel l had l7ad fin katgoul lia nssali 3ala9ti m3a Kai rah khtiti l7oudoud ! Machi 7it nta mon meilleur ami ghadi teb9a dekhel lia f 7yati chekhssia !!

Kris : La machi hakak ..

Salma : Iwa chnou ?

Kris : Man9derch nechre7 lik ..

Salma : Iwa ila hakak , Ma3endi man dir lik . Ou chouf , matb9ach tehder m3aya ila bghiti nb9a meziana m3ak !!

Kris : Salma tssenay 

Salma : Tle9 menni , S7abtek dayman ghadi tb9a f jenbi ou t3awni sa3a tle3ti moukhalwid !

Kris : Salma sebri ..

Salma : Be3ed menni , Mabghitch nchoufek mazal ! Hadchi 3lach m3eyet 3lia ? Bach soudainement tfertek notre amitié yak ?!!

Kris : MACHI DAKCHI !! SEBRI GHIR NECHRE7 LIK !!

Salma : Goultlik tle9 menni !!

 

Mchit m3essba l parking , Ta tonobilti chada m3aya l3kess , Fina hiya had l7dida ?!!

 

Kris : RAH KAYKHOUNEK M3A TISSA OU NTI F DAR GHEFLOUN !!!!

 

Ma9dertch nt7emel , Mchit rje3t l 3endou wana ne3tih wa7ed tmermi9a ta tar lssma .

 

Salma : Tsk , Ou zaydha b lkdoub ?! Chouf , ha nemertek 7aydtha men répertoire , Had lkemara mat hderch m3aha mazal safi ? Mnin katssme3 lhedra men kerek ?!!

 

Mchit kanjerri l 3end tonobilti ou ana ndemarri , Mkhelya Kris wa9ef ki chi poto mazal mesdoum b tsserfi9a li 3titou . Ma3emerni tkheyelt chi nhar nwesslou l had l7ala , Dial lmkhassma ou tserfi9 !! Walakin , men daba mab9itch kan 3erfou mazal !

 

( Hala's POV )

 

Hala : Safi , ghir khelli ana ghadi nemsse7 . Choukran l merra tania ..

Chanyeol : Ah a Hala ah , Ach ghadiri bla bia !

Hala : hhh , Wa safi mateye9ch rassek 3awd XD

Chanyeol : Aji , Achdak tat diri f rassek chouha temma ?

Hala : Chouiha lmondial yak ?

Chanyeol : Kinda .. 

Hala : Aweda Chanyeol n3awdha lik ki chi khrafa , Walakin 7lef ita matgoulha ltawa7ed .. Promise ?

Chanyeol : Pinky promise !

 

Ou 3awedt lih l9issa kamla .

 

Hala : B9it kand7ek ta dert frassi de7ka .

Chanyeol : Dak Sehun men seghrou ou houa rassou 9asse7 . Walakin Sehun dreyef m3a lbnat , malou 9bi7 m3ak ?

Hala : Man3ref , tgoul sa7rin liya ..

Chanyeol : Wa ghir 7awli m3ah chwia ..

 

( Chanyeol's POV )

 

Sehun kay koun 9asse7 m3a lbent ghir ila kan kay 3taberha special ....

 

Hala : Men seghrou ? 3la kenti kat3erfou mnin kan sghir ?

Chanyeol : Ah , Kan koulchi exo tayt3arfou men te7diri .

Hala : Bessa7 ? 3awd 3awd lia 3lih nched fih chwia .

Chanyeol : Well well , Sehun matet lih mou mnin kan 3endou 5 snin b kssida , Kan 3aych m3a bah f wa7ed l villa gedha ged lkhla walakin lkhedama hia li kant kathela fih , Bah kan dayman m9abel ghir lkhedma hadchi 3lach tle3 m3e9ed .

Hala : :O

Chanyeol : Makanch kay3emer m3ana bezaf mnin kan sghir kan dayman sad 3la rassou ou makaybghi tawa7ed i9ereb lih ila Luhan chwia li kan kayl3eb m3ah chi merrat . Kan met3ele9 bezaf b mou ou mnin matet t2eter bezaf . Daba rah mahderch m3a bah lmoudat 10 snin ta9riban .. Hadchi 3lach bghitek ghir chwia tkouni dreyfa m3ah ou tkhelih i3tabrek b7al khtou oula mou , chi wa7ed li 9der ithela fih , Sehun kayb9a fiya ou 3ziz 3lia bezaf . Wakha kaykoun 9bi7 m3ak , 3afak fehmi lmou3anat dialou ou 3amlih mezyan , Kan telbek .

 

( Hala's POV )

 

Nari , makentch 3arfa hadchi kamel w9e3 l Sehun meskin . Nari b9a fiya :/ Ndemt 3la dakchi li kent kandir lih .

 

Hala : Wakha , Ghadi n7awel nkoun chwia sahla m3ah ..

 

BAAAAAAAAAAAAM 

 

T7el lbab dial sta7 ou houa iban Sehun , WEJHOU 7MER OU M3ESSEB . Ma3emerni cheftou m3esseb b7al haka , Khle3ni .