Hala's POV : 

Kent f l7issa dial Science , Kan feker fl7rira dial lyouma , Mekhlou3a bezaf 7it ne9der nkhrouj 3la blassti b had lfe3la , walakin machi sou9i , Ila mchaw ta Walidia sa9ou lkhbar anani manje7tch f Semestre lewel ghadi irej3ouni l meghrib wana mamsta3edach nerje3 lmeghrib , ba9i bagha neb9a f Seoul ou nched diplome diali hna ... Mchit l locker diali ou l9it wa7ed Salma mnewda lgroun .

Salma : Sme3t b dakchi li bagha diri lyouma , rah galha lia Kris . 3lach magueltihach lia ?!! Ou mazal , Nti mrida oula tay7a 3la rassek ? Acheddak l chi machakil ? Wach 3refti ila ta mcha 7esslek chi Wa7ed ach ghadi idirou lik ? Rah maghatchoufini la ana la Kris la ta chi mjebed l3inin !

Hala : Nari , dak lekhra dial  Kris !! Yak gueltlih maygoulha l tawa7ed !!! Rah mabghitch ngoulha lik 7it 3arfak ghadi tel9i 3lia mou7adara ou matkhelinich n9ad lblan 3la khatri !!

Salma : Ma3endi man goul lik , Choufi , diri li bghiti lmouhim ana rani 7edertek .. Matjij tbki 3lia melbe3d !

Hala : Wa tantiii , kadiri b7ala nit ghadi i7esselni chi Wa7ed .. Rah Hala hadi ou ejrek 3ellah ! Hani mchit , khassni nwejed l lyouma , Bye 

Salma : Besslama , ou 7di rassek !! Ha wedni menek , Makhassa ichoufek ta chi 9endou7 !!

Hala : Wa wakha wakha , yalah , tla7ii !

Sehun's POV : 

Pffiouuu , Douk lbnat ch7al less9at , Makaykhelliw bnadem tay yakoul 3la khatrou .. 

Suho : Hey Sehun , Tkelem rah lmoudir bghak . 

Sehun : Achbghani mazal dak chibani ?

Suho : Man3ref , chouf nta .

Sehun : Safi safi hahoua ghadi .

Nhar li makan dir fih ta chi zebla kay 3eyet lia .. Wa BAAAAAAAZ !

TO9 TO9

YG : Dkhouuul .

Sehun : Salam , 3eyeti 3lia a si lmoudir ? Yak labass ? Dert chi 7aja khayba ?

YG : La walou bass , ghir 3eyt 3lik 7it dossier dialek ba9i na9ess fih chi 7wayej , Blati njib lik les pièces li khassak tjib .

Lhamdoullah , s7abni wach dert chi zebla 3awtani . Ouuuuf , Kayn sehd . 

Dik Lila 

Hala's POV : 

Wejedt koulchi dakchi li khassni : Pil , Clé USB , La cagoule http://t1.gstatic.com/images?q=tbn:ANd9GcThnsVTs6MamFbvr9AeDKe2AVWwxzRm9Am3vAFGr5ye3CzUdT5l2etfEFPZ ( Sara7a , ghadi ghir te9chira 9ete3t liha blasst l3inin bach tban b7al chi cagoula XD ) , Merendina ( Fi 7alat derni jou3 ) 

Khrejt men Dorm dialna wana nemchi l Bureau dial YG , Kantssena fih imta ikhrouj .

Sehun's POV : 

Nari t7errek lberd , Ajia ... Fin tjakiti ? Nari fin nkoun nssitha ? Ahhhh , 7eydtha 9béla mnin kent f lbureau dial dak Charef lharef . 

Sehun : Drrari , ghir sirou seb9ouni rah nssit chi 7aja khassni nerje3 njibha .

Lay : Safé ghir sir .

Hala's POV : 

Sme3t Tonobila dial YG demarrat , Ghaykoun mcha . Dkhelt men lbab lourani wana nche3el l PC , tema bdit lkhedma diali , 7ayedt te9chira La cagoule m3a kan sehd ou mekhlou3a f nefss l we9t . B9it ness sa3a wana kan 9eleb 3la l mot de passe  , bagha ghir imta nssali .

No one's POV :

Hala mafkhbarhach wach chi wa7ed kan kaychouf la scene koulha mourra lbab , ou kan kay filmi mazal .

Hala's POV :

Wa akhiran , 9dert ndkhoul l systeme dial lmedrassa ou tema bdit kan cheled . 2 reditha 16 ; 5 reditha 14 , 10 reditha 15 ou zid ou zid .. Salit lkhedma wana netfi l PC , Jme3t 7wayji , m3ewla nekhrej . Chwia sme3t lbab t7el ou dou tech3el , Nari yakma l 3essas ?!! Safi hadi hia lekhra lia .. Ma3ert fin ntkheba , makaynch fin !! Chwia wana n7ess chi wa7ed jerni men Idi .