Ako si Winter. Crush ko si Karina simula pa nung grade 10 palang kami.

Nagsimula talaga ang lahat noong pinagsama-sama sa iisang zoom meeting ang lahat ng grade 10 students. Hindi ko alam kung anong pumasok sa isip ko at bigla akong nagandahan kay Karina.

Matagal ko naman na siyang kilala. Kaibigan ko pa nga ata? Hindi ko alam. Baka assuming lang ako.

Simula nung araw na yun, si Karina na ang naging default crush ko.

Hindi naman kasi talaga ganon kalalim yung nararamdaman ko para kay Rina.

Pero kasi...

Ngayong grade 12 na kami, naging face-to-face na yung klase namin. Araw-araw ko siyang nakikita. Hindi ako nagrereklamo pero kasi sa tingin ko mas lumalim yung pagtingin ko para sa kanya.

Ang ganda niya kasi. Matangkad. Mabait. Matalino.

Lahat ata ng hinahanap ko sa isang babae nasa kanya na.