10 AM

Kasama ako ni Tzuyu ngayon sa kotse niya papuntang Manila. Ako ang ginawa niyang driver. Bwiset sabi niya kagabi sa text siya daw magddrive naexcite pa man din ako sumama sa kanya.

"Bakla, nakita ko kayo kagabi ni Seungwan." Napatingin tuloy ako sa kanya at tinaasan siya ng kilay. 

"Talaga? Saan?"

"Sa Jollibee...ang saya niyo nga eh. Harot harot ha." Nakatutok lang siya sa phone niya at biglang napatawa. 

Di ko na lang siya pinansin at tumingin na ulit sa daan. Pinakinggan ko nga pala kagabi yung mga song recommendation ni Wannie. Yung iba alam ko na. Tapos na-LSS ako doon sa Love by Keyshia Cole. Kaso yung version ni Wannie yung pinaulit-ulit ko. Sinend niya kasi sakin yung video kagabi eh. Siguro 10 times ko pinakinggan yon. Hanggang kanina nung naliligo ako yung kantang yon pa rin ang nasa isip ko pati boses ni Wannie. Bagay kasi sa boses niya yung kanta eh. Nagpplay tuloy sa utak ko ngayon.

"Seulgi!" Hinampas ni Tzuyu ang braso ko. Nagulat tuloy ako. "Taena kanina pa kita tinatanong."

"Sorry! Ano ba yung tinatanong mo?"

"Nakausap ko si Joohyun tas sabi niya gusto ka pa rin niya. Babalikan mo ba?" Itinaas niya ang kilay niya at naghihintay ng sagot ko.

Shuta. Oo babalikan ko marupok ako eh.

"Oo naman. Love ko pa din yun eh." Napatawa at umiling siya sa sagot ko. Anong nakakatawa don? Seryoso naman yung sagot ko ah.

"Marupok ka talaga. Joke lang yung sinabi ko ha." Inirapan ko na lang siya. "Pero nakita ko siya kagabi, nasa Jollibee pa kayo ni Seungwan non diba sa second floor kayo kumain? Si Joohyun naman nakita ko umoorder. Wala lang share ko lang."

"Bat di kita nakita kagabi sa Jollibee? Samantalang nakita mo kami?"

"Kasi yung attention mo na kay Seungwan lang?" 

Nag-eenjoy kasi ako sa kwentuhan namin kagabi eh. Sayang di ko naabutan si Joohyun. Babatiin niya kaya ako if ever na nagkita kami kagabi? 

Sana oo. 

"Seulgi, diba opposite kayo ng ugali ni Joohyun?"

"Oo. May problema ka ba don?" Medyo naiinis ako. Sana nakita ko talaga si Joohyun kagabi. 

"Ayaw mo na talaga kay Seungwan? Diba parehas kayo ng mga gusto?" 

"Oo parehas kami ng gusto. Parehas naming gusto na maging magkaibigan na lang. Yun lang yon, teh wag ka na ma-issue. Tsaka alam mo namang gusto ko pa rin si ano."

"Okay! Eh bakit di ka pa gumawa ng paraan diba? Pag naunahan ka diyan eh."

Oo nga. Bat ba di ako gumagawa ng paraan para magkalapit ulit kami ni Joohyun. Gusto ko sana siya sendan ng messages pero baka di niya naman ako replyan. Gusto ko siya bisitahin sa bahay niya pero baka mabigla naman siya. Di ko alam kung ano gagawin ko. Hinihintay ko na lang ang biglaan naming pagkikita.

Nadeliver na namin ni Tzuyu yung mga sapatos. Nag-lunch kami sa Max's kanina, nag-ikot saglit sa SM mall, nag-merienda sa Burger King at ngayon, nasa bahay na ko. Napagod ako sa pagddrive at naubos ang energy ko sa pagdaldal ni Tzuyu. 

Nakita ko si Kuya Heechul sa living room at kumakain ng Pringles kaya tumabi ako sa kanya para humingi. Favorite ko kasi yon eh.

"Kuya Heechul,