Ilang minuto bago mag-ring ang bell ay kumaripas na nang takbo si Irene na ikinanganga naman ng dalawa. Daig pa kasi niya si The Flash sa sobrang bilis nang paglabas niya sa room nila. Natatawa na lang tuloy ang guro sa kinilos niya.

Sa kasabikan naman, hindi na nakagugulat pa kung makikitang kalalabas lang ng guro sa Room ng Grade 12 - STEM A. Madalas kasi na late itong matapos sa discussion na laking pasasalamat niya din dahil kung hindi dahil doon ay hindi niya maaabutan ang taong gumambala sa puso niyang tahimik na natutulog.

Walang iba kundi si…

“Si Seulgi Kang po ba?” Excited siyang tumango habang pinipigilan na mapunit ang labi sa kangingiti.

Samantala, ang mga kaibigan naman niya ay hingal na hingal kahahabol sa kanya.

“Cleaners po eh.” Tumango na lamang si Irene at nagpasalamat. Sumilip naman ito sa gilid na agad na sinundan ng dalawa.

Nagmistula silang kabute na spy na akala mo ay hindi halata pero dahil busy ang lahat, walang nakakapansin sa kanila.

“Siya 'yon diba?” Sabay turo ni Joy sa babaeng tahimik na nag-aayos ng upuan.

“Ang weird talaga, napakatahimik.” Sambit naman ni Yeri na lumalagok ngayon ng tubig sa sobrang pagkauhaw.

“Porket tahimik weird agad?” Depensa naman ng isa. “Mukha ba siyang makakausap sa lagay na 'yan? Look…” sabay turo sa dalaga, “nakaearphones siya.” Dagdag pa nito na ikinasang-ayon naman ng dalawa.

“Sabagay kahit ako eh ‘di talaga ako kakausap ng tao kapag nakikinig ng music pero Irene…” hinawakan naman ni Joy ang balikat niya para mapatingin ito sa kanya. “You need to tell me t